5月19日   星期日

今日係我表姪仔既birthday party！

見到肥肥既佢，我都好開心！

佢收到二十幾份禮物

如果我生日都收到咁多就好啦！^^

(根本冇可能= =)

佢請左好多同學仔黎

其中一個同學仔提議唱首數學生日歌比佢喎

數學生日歌？

123456 123456 123456.. 123456

以上係歌詞

只要配埋happy birthday首歌唱

就係新出既數學生日歌啦！！

<超無奈囉>

完左之後我去大姑媽屋企

我係三張麻雀聲底下溫LS

係咪好勁呢？！

唔好以為我溫唔入腦

真係溫到嫁！你地都試下呀！

食晚飯前

我細佬同我姪女係到打交

好心佢啦

幾多歲呀？！縱同細路女打交？！

搞到我姪女喊晒口

then，我地坐私家車番屋企

本來諗住早D番屋企整埋個環保袋

點知去到家門

居然開唔到門

搞到我呆呆等左半個鐘

成10點先番到屋企

去死啦！

整環保袋，整到12點半倒

成1點先訓>,<

五月二日   星期五    雨

我有成個幾月冇打blog啦

原來打blog係一件要有恆心既事

我以後會盡量抽時間打嫁！

呢個幾月發生左好多事

我都唔想再提啦！

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

今日學校有個將學習於娛樂既活動

就係去

海洋公園

未去都好興奮

雖然我今日8:45先要番到學校

但我7:10就起身啦

我著起一早襯定既衫同新買既鞋

準備好晒

就去OK會合Maggie同Shelley

我地番到學校

見到好多女仔都著短褲

我地等左半個鐘倒

就上車出發啦

雖然只係搭左一個鐘頭倒既車

但我都頂唔順

差D嘔

好彩Maggie叫我不停深呼吸(好似生仔咁= =)

我先好番D

我地一解散就去大熊貓園

因為落雨

我上斜時唔小心

就滑倒

搞到半邊褲都濕晒

之後我地去左搭纜車

我地6個好似痴左咁

不停大叫

上左山後

我地開始玩機動Game

首然我地去玩越礦飛車

三T黨全淆底

淨係得我、Maggie、Shelley同吳瑋軒

(Shelley同吳瑋軒坐)

之後我地玩滑浪飛船

倪生又淆！

我地三個又同吳瑋軒一齊玩

(今次到Maggie同吳生坐)

我地三個女仔做好防水準備所以冇事

Then，我地去玩太空摩天輪

今次 Tom妹同Ben淆

呢個180°轉既Game

我都係第一次玩！

因為輪住既關係

到我同吳瑋軒玩！

雖然呢個遊戲係好親密

但我同佢真係一D接觸都冇

個D淆底既人

你地連玩都唔禁玩

反而係到話我同吳瑋軒有野

你地收皮啦！

玩完後

我地食lunch

我地三人行買左

一個pizza、一盒意粉同一盒飯分黎食

好好味

食完我地三個去整沙樽比自己呀媽做母親節禮物

我覺得我自己嗰個比起佢地兩個嗰個好似好樣衰

不過算啦！都係一份心意！

跟住我地去玩沖天搖擺船(即係海盜船)

今次D男仔玩就玩

但全部坐晒最中間個排

我地三個女仔就坐最出前面個排

有少少離心力

好玩！

之後我地去排瘋狂過山車

排左好耐

玩到個頭亂晒

一個字"勁"

最後我地終於玩一樣我都淆淆地既Game

跳樓機！

唔洗講

冇一個男仔會玩

其實當我坐左上個位時

我都有後悔點解我會玩

係頂點時

Shelley數左13聲

我地就而1秒既時間落左黎

超恐怖呀

但好激、好好玩！

我地去買手信後，就集合

(我買左隻介指)

返到LW

我縱未走得

因為要古箏

我地好攰

所以尤如十大酷刑

我地早放左少少

所以我同寶寶、Piean去食KFC

之後去影貼紙相

好靚呀！