2005 年 4 月 30 日  星期六  

唉.,,.,.今朝同琴晚都諗左好耐..去唔去琪琪生日會好呢..?我真係有諗過唔去..咁我就可以正明比你地睇...我唔去camp唔係為左琪琪生日會...但係我最尾都有去到...(我想去沙灘散心...放鬆下而家咁唔開心既心情))..

今日人數:(芝+華+寶+琪琪+琳琳+嘉敏+小肥肥+星+和+周永+亮+大偉+金毛+呀雄)=14人

今日好早就成大班係樓下等...有d人就去左買野...我就冇幫手去買野..落度漁逸果陣...靜係得亮同大偉係度..其他人去左買野...又見到小二呇a...(佢地話佢地去camp喎..)..買完野又等下..都成11點幾囉..!等齊人我地就出發去長沙。去到果陣..d男仔勁癲..一去度就落水玩..玩左陣就上黎透爐...><係度燒報紙...過左陣就開斃o..!開頭燒就多人..燒燒下d人去晒去玩水...而我就一直留係BBQ爐果邊...好少離開...男仔勁癲..游埋水添..!!仲係度拉D女仔落水...最尾寶佢地又游埋添..今日男男女女都好癩..而我就冇咩心情去玩...只係一直燒野食...

佢地玩完就返黎燒野..燒完又再玩...而我燒果D野食..比佢地食晒..(冇打緊啦..我都唔餓..0你地食得開心..我冇咩所謂)...到左5點幾..我都有落水邊玩左陣...同嘉敏...點知都係比D浪整濕晒...好采有亮條褲頂當...我就拿我條褲去爐邊晒光...都係半成光炸...跟住呇a好嘔心..含水噴人(金毛+華+寶+琳)...好多好多既口水呀..><冇眼睇..!!亮話開工..所以就走左先..

等左陣..閃人囉!!班男仔話想搭車走....不過今日既主角話想行路..咁大家就順佢意由長沙行路去逸東...不過今次我行得好快..條路好似短左..我+星+雄+和..行頭..到去有椅果度坐低(風皇山)*行左都唔知幾耐..條路又大霧..//.好辛苦..仲要差唔多個個都係踢拖...等多陣就見到後面D人仔囉...!!休息左陣..就繼續行落山..落山冇咁辛苦..又唔知行左幾耐...不過落山就唔係太辛苦..一路落山一路唱歌仔...到逸東之後..就各有各路..**

返到家就有飯食囉..追長今...好緊張呀..呢2集...一路睇一路Met瓜子...好寫義。