2005 年 5 月 21 日  星期六  

家下呢個日記好難上到呀..太多人用啦!!好鬼麻煩..搞到我次次都要咁夜先寫><"一定就好早就寫!

今日10點幾起身刷牙洗面..就落行買d野整3文治啦!!今朝既惠康特別多人(尢其是係d斯奶).我聽到佢地好似話今日買野有雙倍印花...唔怪得咁多人啦!排隊都排左好耐先比到錢!!

返到屋企就拖地+洗碗..整3文治比細妹食..!!到左2點30~我同呀寶就出去九龍塘比賽囉!!一d緊張既心情都冇!根本我都唔在乎..不過之前話左去..咁咪去下囉!!學成成講：當吸收下經驗都好．．！

原來朱朱一早就到左東涌地鐵．．跟住我地３個就搭地鐵去啦！朱朱去睇寶比賽！搭搭下．．又咁岩撞到何浩華．.就同埋佢一齊去啦!!好險..呀寶差d冇得打..因為差d遲到!!好采趕得切./..去到報到..佢又話唔比寶穿白多褲..又走左去同我交換(果陣未到我打!!)..哈!寶次次都好咁采既..遇著d對手咁屎..!!呢次比佢嬴左..!!仲要等一個鐘先到我打..!係出面我地聽歌...等到5點半..哈!!到我啦!!開頭以為呢條友仔細細粒粒好蝦添..點知=.=..都算勁(可能係我屎顯得佢勁姐)..第一次11比2..第2次11比0..比人抄蛋..勁慘!第3次..11比3(打5盆3勝)!!!輸晒囉!!不過我冇唔開心啵!我打完就過左去呀寶度..原來佢又打緊...呢次佢冇咁好采嫁啦..遇著個比佢勁少少既對手..輸左..不過冇比人抄蛋..而我今日就食左一個好好味既煎蛋><"..打完去左又一城果度行左陣..!!睇人地溜冰..行下運動家+馬拉松+i.t咁啦...全部明牌!個商場大到痴孖跟...最尾去左個類似百佳咁既超市{taste}..跟住就坐車返東涌..而朱朱就去深水埗!

每日一句:

或許我在目前沒有清晰概念
我的感覺極渺小
幻得失的感覺無間斷
面前是你 才可使我輕鬆笑笑