2006 年 6 月 15 日  星期四  

前排都病病地...一到考試一定有d病痛出黎....(指定動作)!|
媽真係好好..佢知我喉嚨痛..就整左d花琪芯比我飲..佢話呢d好貴...平時自己都唔捨得飲...竟然整比我飲...
媽咪真偉大..媽咪我錫晒你...
琴日真係好好辛苦...喉嚨好痛..頭又暈暈地....成身又累...又眼痛......咩病都出齊晒...

過左今日...終於算係一個解脫啦!!!不過聽日仲有listening...唉>"<我英文最屎既係listening...哈..
我懷疑自己係咪失聰嫁...!!~成日唔識分d數字...日期呀...好kai...

今日考左數學...um...都幾ok啦!!就係因為我知道自己數學差..先用咁多時間去溫/..來彌補自己既不足...
雖然最尾未必考得好好..不過已算係盡左你最大既努力..起馬對得住自己先..有d人明知自己唔得..又唔去溫...咁梗係唔得啦!!!
我琴晚去呀麗度溫數學...晚上9點幾去....去到1點幾先走...我地做左好多數....好開心...我可以教到佢...又互相幫助..
佢又識....我又可以當重溫...真係冇諗過我可以教人地數學...(不過可能佢地聽唔明我既解釋!!!)嘻嘻!!

1點幾返到家...仲教左呀寶一陣數學...2點左右就訓左啦!!!!我講過...我係唔比自己係考數之前唔識數學...
所以我一定要溫溫溫..做做做..做到識為止...就係因為呢排做得太多數....
所以今日有D題目一睇落去就識做...*熟能生巧*就係咁解啦!!!

前排考完科學..知道左76分...唔係好滿意...如果有8字頭就更好...哈哈!!!
琴日考英文...真係想死...READING裡面有有好多生字唔識...果陣我就好僧自己...真係白痴...呢D咁簡單既生字唔識...
唉...越做越冇心機...理解能力又低啵!!!蠢過隻豬~呀!!!
不過今日放學後mantro打比我...話我知英文有作文20分..全班第3個..真係開心死我....高過鄧x殷....哈哈哈!!!


今日放學後返到家..好肚餓..今朝冇胃口食野...食完lunch...就開電腦..同周越傾msn...嘻!!好開心...

今晚媽媽話同我行富東..好好好呀..行下街...散下心...等我冇咁緊張....嘻!!!!!!!^^"

有時我都唔想自己係咁蠢嫁....不過鬼叫天生咩!!!
哈哈...蠢都或者有蠢既好既....