2006 年 7 月 21 日  星期五  

嘩...由7月15號至20號都係好繁忙...所以咁多日都冇寫到日記...!!!而家補充返呢幾日開心既日子啦!!

15號係黃sir既婚禮...果日出門果陣都見都好多同行既fd...我地早上去左華華家化妝/...好似真係好隆重下,,
可能連自己都怕咁樣穿....因為真係好似未試過咁穿...又有咁多識既人...所以點都有d驚驚地...>"<...

去到果sir度,..我地幫手整野...穿紙"學"....不過唔係好夠時間穿....呀sir成日不停咁多謝我..足足有3次以上...
真係第一次知道呀sai原來係咁婆媽既....高佬呢?!係唯一一個穿西裝既同學....哈..衰仔..又穿得幾令仔啵!!!嘻~
果陣時仲有個細路穿西裝嫁...超得意呀...得果幾歲嫁炸...諗住同佢影相...佢又唔肯...
哈...真係搞野啦..咁岩結婚果陣新娘又叫"斯琪"..個個人都走黎望住呀琪...

婚禮開始啦....好有多年輕人...大多數都係學生多....見到呀sir同個新娘咁幸福..心裡面都替佢地高興...
自己又好白痴咁諗....哈哈...幾時到我行上呢張紅地墊呢?佢地2個拍左10年拖....係神見証左呢後感情...
我相信..佢地有神既卷顧..一定可以好恩愛...好幸福...直到永遠。但係而家係世上既愛情...真係冇幾個係可以長久..

係神父見証呢對戀人期間..有好多哈look鏡頭...掉戒指都掉左幾次落地...完左個婚禮...就影相..
影完我地(豬黎．周越．我．華華）就走人...行下銅鑼灣....
冇幾耐就去左mk食自助餐...我地係度行下行下.,..影下貼紙咁...
仲有玩下射籃球...咁夠差唔多9點囉...果陣時..呀麗.寶..mantro就已經出左黎同我地會合啦..
跟住去睇下有咩食....最尾都係決定左去韓燒..嗯..d野總括算好味...可能果陣肚餓啦!!
我地9點半開始食...食到10點幾...miss lee黎左...!!跟住仲未見周越同mantro上來...原來佢地去左買cake..."貴野黎嫁"
哈哈...呢個cake好好味,.,,可借果陣我飽..如果唔係實可以食好多..連飽果陣都覺得好味...可想而之係........有幾咁好味!
我果陣係開心...不過太驚喜..唔知點表達好..搞到我好無奈....想多謝又多謝唔出.....不過點都要講聲多謝..!!

食下食下..最尾係度玩....玩左12點幾先走人....幾個一齊返東涌...仲有周越既地鐵"震震樂"..勁爆笑囉!!!
果陣時返到家都差唔多成1點幾囉!!!好累好眼訓．第２朝仲要返工添！