2006 年 7 月 25 日  星期二  

今日...我同呀寶...琪琪3個去左迪士尼玩....琪琪既伯娘帶我地去到迪士尼門口...
跟住等...等琪琪伯娘既伯娘帶我地入去玩..見到佢...我地就好興奮咁...3個一齊去玩囉!!

入到去..第一個玩...果個咩室內過山車...嗯...唔知佢叫咩名...等呀等...真係hot都hot死人....
一路等...一路流勁多汗...排係我地後面果3條友係度講野..好大聲...一時講中文..一時講英文.
哎呀...晒英文啵!!有一個勁似葉俊勛呀!!!由其係個"酒love"...嘩...好緊張..第一次玩..仲有少少驚驚地添...
等左半個鐘終於到我地啦!!上車...勁驚...以為好恐怕嫁添!!點知都唔知幾姐....我諗呢個game係成個迪士尼最好玩既一樣...!!
佢係一個室內過山車...入到去全部黑麻麻...只可見到d星星...架車坐12個人...勁係度極快咁轉彎..
玩完之後勁high...跟住去玩..嗯...呢d都比較靜態...有去睇電影...好搞野嫁...d野好似係你面前飛來飛去咁嫁!!
好正...又有d水嘖出來...仲有d係有味既氣體...做到好真好真...仲有坐左旋轉木馬...

仲有裡面真係有好多令景可以影..有排你影....又有d公仔可以影..同分仔一齊...我地就同左唐老鴨影啦!!隻鴨仲整古我地!!
仲有玩左coffee cup..係度轉來轉去...um...個park都唔係好大...好似好細咁..!>"<...肚餓去左食野..
食野都要等位..!!累到我死>"<買果少少野..幾隻雞同d薯條..仲要冇氣水..都要成40蚊呀...!!真貴!!
食完我地繼續去玩....又玩多次過山車.....

哈哈..跟住見好熱...就去玩水果度玩多次...今次見到坐過山車排我地後面果3個男仔...
佢地都係果度玩...果個好似葉俊勛既人就望住我地3個...有次仲叫我同呀寶企係一個位(果個位有水嘖)..
唔好當我地白痴先得嫁...我當然知果度有水啦!!!之後我地3個女仔互潑水...成身濕晒~
果個葉俊勛想加入....卒之同我地一齊玩...佢地勁9...拎個袋載水..不過唔敢潑去我地度...正一膽小鬼..
哈哈..同佢地玩都幾好玩...最尾走果陣...又冇拎電話..又冇拎msn/icq...真可惜呀!!!
成身濕晒..我地去玩飛碟...轉乾個身..跟住行下,,影下相...玩到6點幾就玩晒..好累好累呀!!!!