2006 年 7 月 30 日  星期日  

人生的道路上，
總會遇到命運的襲擊，
許多許多的霰彈，
不知從何處飛來，
擊中你的心靈，
造成疼痛，留下傷痕。
而以後，在那受過傷的地方，
就會長出美麗的思想來。

琴日去借左本圖書．．圖多少字∼內面的句子好有意思！我覺得呢本書幾好！
最岩我睇∼少字多圖呀嗎！我又仲意睇下人地ｄ畫功∼不過我一路睇．就一路覺得自己好差勁！
我果ｄ畫．唉∼真係唔好提囉∼我都好想我自己畫畫叻ｄ！不過好似冇咩天份咁！哈∼

今日返左教會！其實呀琪講果番說話好岩！果刻睇到佢∼唔知點解覺得好似好明白佢想講咩咁！
雖然我經歷既野冇佢咁多！但係佢都已經清諗楚．．而我係時侯都會有個答案！
琴日．我一個人１點幾果陣．對住個電腦∼聽住《一個像夏天一個像秋天》∼聽聽下個心反而覺得好唔舒服∼
眼濕濕咁∼連我自己都唔知點解會咁？！不過終於都有左答案！輕鬆晒囉！

返完教會∼同呀媽去左行街∼去食ＫＦＣ！哈∼食左７蚊炸∼笑死我！
食完．細妹回家先！我同媽媽繼續行．．去左一個鞋ＳＨＯＰ∼諗住買果對返學鞋！
雖然貴就貴Ｄ∼不過舒服！我想中４果陣有對好鞋∼好書包∼好心情∼好頭髮∼好校服∼好動力去讀好呢２年書先∼
不過真係好驚氣．∼超激呀！呢排去街成日都留意Ｄ返學鞋∼冇對岩心水！睇岩果陣又冇碼．頂∼真係激死！
等我去遲Ｄ去問下其他分店有冇呢對鞋先∼有就開心死我啦！！

買完野∼去左ＴＡＳＴＥ買左包∼咁就同媽踏單車返逸東啦！返到家訓覺！訓左個幾鐘之後呀寶就回家∼
跟住我就醒左．４姊妹開台囉！呢２日都輸左錢．不過好少姐∼

今晚要做埋補習班Ｄ功課∼有時間會學下生字！琴日我都學左十幾個呀！當呢Ｄ生字出現係作業／報紙／街招上等等∼
而我識呢個生字其他人又唔識既話∼我會覺得好有成功感．係勁有∼令到我更有動力去讀英文∼
朋友們．．我地一齊ＩＮ起來∼學英文呀！！ＹＥＡＨ∼