2006 年 9 月 8 日  星期五  

大家知唔知以上呢個標題名係咩黎嫁呢?!!冇錯啦!佢就係坐落於映灣園裡面既一個小小cafe..真係好細嫁...!!
呢個SHOP係由一對姐第開既...哈!!我係果度做左3日啦!!由9月6號至9月8日....

其實係果度做野真係幾好...果2姐弟真係幾好人...你知我啦?!!成日唔記得野...做野又驚青...
哈~好采佢地都冇乜點罵我炸...我成日都做錯野...反而佢地仲好細心咁教我...只係話幾句..並唔係罵囉!!
佢地係一個20幾歲既年輕人..咁年輕就擁有一間SHOP...仲要住係樓上..(映灣園)..真係叻....佢地對客人好好...又有禮貌!!!
雖然係22蚊一個鐘..係我做左3份工裡面最少既一份..不過佢地對我幾好..我係果度又學左好多野...
學點沖野...煮飯呀D野....遲下佢話教我點整d送...學完可以整比大家試下..佢地煮D野幾好味嫁!!!果度又有cake食啵!!

佢地2個好靜嫁...不過我同佢地都有幾句傾既...今日靜係得我同個男仔一齊做...哈~我都有同佢傾下計仔嫁..
佢好似上年果個實習老師曾sir....好可愛!!份人先好..又隨和..."*卡卡...我真係好采啦!!可以做野做得開心...!!!
次次黎親果度D客...都同佢地有講有笑嫁..我諗係D熟客囉!!!成日都有一家人或者一對情侶入黎食野...
係果刻真係有D羨慕嫁...我覺得佢地可以住令樓...一家人..同埋有個伴侶..真係係一件好開心既事...
果刻心裡面就話...我而家一定要比心機讀書...大個住大樓...開一個好似呢D咁既小SHOP..咁我既生活就已足夠嫁啦!!


佢地整野比客人食係好講究嫁...真係用個心去整野食(我睇得出)!!!所以我都唔可以求其嫁!!!要認真D!!
平時一得閒我就會去果度做野嫁啦!!不過10月頭...左右...我就會唔做住...因為10月尾考試..用一個月時間...咩都夠掛!!
而家岩岩開學..可能唔係好忙姐..D功課....所以可以返下工...大家唔洗擔心我返工....讀唔到書嫁...
呢D野..我會自己衡量...我自己識點樣去分配我既TIME...真係唔洗擔心..我成績唔會差嫁!!!
以後我都冇咩時間上線...打日記嫁啦...除左星期5、6、日之外...哈哈..所以大家星期5. 6.日就要珍惜時間...
要搵我傾計既就係呢段時間搵啦!!!
______________________________________________________________________________________

SAY完返工...講下呢幾日係學校既生活啦!!
嗯...我對於我自己讀既科有點興趣..冇邊科話真係好難囉(遲D知唔)!!不過我成日都會擔心"政分同RAT"呢2科囉!!個心就係不安...
不過唔讀都讀左囉...要懂得接受現實...我覺得我地班D人相處得幾好...不過有好多人都自成一角...有好多唔同既派系囉!!
上堂唔錯..成日都係呀琪..同劉展..一係呀寶係度搞氣氛...呢3條友呀...真係>"<...

今日食飯果陣..同呀朗佢地一齊食...我講左樣好白痴既野...成班係度笑...(咩國呢?!)哈...唔詳細講啦!!
之後我搵呀殷一齊做數學...我叫琪..佢又唔做...咪叫殷囉!!我知佢會...!!哈~我幾清楚佢呀...
我話...以後不如食完飯..我地都一齊做數學..佢地好呀!!!嘻/..咁我地就過左個有意義既下5啦~!!
就算得我一個做...我都會做...因為我時間真係唔多..放學又要去做野.."返到家...小既功課應付得到..不過多的話..就會死左囉!!
幸好..呢排都唔多功課囉!!真係感謝啦!!

不過今日發生件好無奈既事...死人劉展囉..成日講我....同邊個邊個...不過今日講果個真係幾敏感下...我都唔想提..
不過好希望日後D人唔好將我同佢講埋一齊...你講第2個我唔理...講佢就唔係太好囉!!
劉展講果陣..真係超無奈囉!!仲要咁大聲...仲有人附和添...成班都聽到啦!!死野...關於佢野...我唔想知..唔想理。
我而家靜係想安份做好自己...我應該做D咩野..我自己清楚明白!!!

聽日係一日好好既日子...早上我諗住9點起身做功課...下5...3點就要返博覽..返到晚上...
跟住星期曰返完教會...又要返映灣...所以D功課要聽日搞掂晒佢囉!!!聽日早上叫左華華黎幫我溫下數...^^"
呢排冇得返屋企食晚飯...真係可惜...又冇令SOUP飲啵!!!!媽...好掛住你煮D野食呀!!!
可以的話...日後真係想開一個細細地既Cafe...呀媽做廚...佢傳受d功力比我地..我地學...呀媽到時可以休下息..功成身退去享福。



而家打d日記真係好珍貴下...一個星期可能得2-3篇嫁...所以打既日記會比較長d!!!!!
明天既呀芝就要再繼續努力啦...............................