2005 年 7 月 15 日  星期五  

世界上有一種無法量度的距離－－你站在我的面前，而我，竟然，不知道，你愛我/我愛你。

今朝先樣衰..帶住咁大舊野返去..(果個橫額)..所以我同呀妹果D返。
返到學校係咁比miss溫讚..開心到佢呀..(仲要多謝佬如同呀皮幫手!!)
今日係最後一日既返學日..亦都係2德班果後既一日!!!
我都唔知自己應該帶住d咩心情返學好?..難過:因為2德班相處左咁耐要分開!
以後唔知有冇機會再驟!。開心:我終於可以升上中3..慢慢大個!,
到大個左,就可以實現對媽媽既承諾>"<

今日首先返到去..禮堂結業禮!又頒下獎+唱歌仔+宣佈下d野+睇返d片段咁啦!!
跟住老師又叫左40個同學去101室..(我都有份)..原來係關於一d領袖生既野。
又話暑假要返黎進行訓練..又可能有camp去(一聽到有camp去..就開心死啦!!)
如果做領袖生唔係對我地大個升學..搵工做有幫助..我都未必去做。

等蔡SIR講完成大炸野之後..我就返上課室開大食會。不過蔡SIR未上黎..
所以我地未開住..就搵陳嘉勝出黎唱下歌咁..佢地真係超白痴.(高佬+敏+勝)..
佢地幾條友仔..唉!真係比佢地幾個笑Q死啦>3<"又比佢幾個拉左我出黎唱歌..
見大家咁開心..冇理由掃興嫁..咪同麗麗佢一齊唱"開不了口"囉..(華+羅閃開左啵!!)冇義氣呀!
唔知點解..我地全部人唱果D都係呀JAY果D歌|||可能呢班太多周杰倫FANS啦!!
雖然呢一刻真係好開心..但係以後大家又會唔會咁呢..?
當時..我真係想用個腦記低晒大家既面孔..
記低大家一齊團結..一齊開心..又一齊捱罵。諗到呢到..差D又喊出黎..
佬羅叫我唔好喊,..如果唔係佢又會喊!所以最尾都係將眼淚收返埋。
唱唱下..呀SIR就上左黎..我地就開始搞大食會。D人又請左D7 月份生日既人出黎!
大家一齊唱生日歌..唱完大家就一齊食野啦!!!嘻嘻~D野食少就少左D..不過只要大家開心就得啦*

食完野..又開始拆我地既壁報..大家都毫不留情咁拆拆拆!拆完後又要汁返D野!
跟住又抽禮物..(D禮物真係豐富囉=O=")...跟住我同華+羅+麗就走先囉!!

為何這種眼神又再出現???

返到屋企，玩左陣電腦！跟住同左國寶+桃桃+寶落去染髮!
勁低B呀..我地去左商場既3樓廁所度染..咁岩又見到我媽D朋友..
我地等佢去左後..就入左個傷殘人士果格染..個廁所好大..我地都唔洗迫。
染染下..又有D人走入黎..果係我媽個FD)因為佢係呢度做清潔嫁!!
我地係個廁所都有成2-3個鐘嫁啦..!跟住打比佬如..話同佢去見工..
所以我就走先啦..跟住就同佬如去7仔啦..點知經理唔係度..聽日再去過!!!
返到屋企..訓覺。跟住起身食飯。

大家要好好珍惜這一天...我突然諗起呢首歌。((*today*))

離開 這一刻感覺不會忘記
朋友 抱擁告別明天各自遠飛
難得 並沒傷感依依不捨顧慮
重拾昨天 樂趣一堆
曾經 每一天相約找美麗去
陶醉 美的故事互相勉勵去追
曾經 望著天空一起哭泣至睡
臨別說起 亦笑相對
(b)別了依然相信 以後有緣再聚
未曾重遇以前 要珍惜愛自己
在最好時刻分離不要流眼淚
就承諾在某年 某一天某地點
再見

from:2德同學