2007 年 1 月 19 日  星期五  

真係好耐冇打日記啦...係好耐好耐...打埋呢次都唔知幾時有得再打啦!!
屋企電腦冇左上網...又唔知幾時新請返啵!!

呢篇日記都係係呀麗home打嫁炸...哈...今日最後一日考試....真係開心爆..!!
呢個月既時間真係過得好慢好慢呀...成日都靜係得溫書溫書...
溫到個腦都鈍鈍地...仲要呢幾日好冇胃口...可能捱夜既原因啦!!
見到d好味既野..都唔係好想食...考英文果日去左食m記...真係食到想嘔呀!!!
果種唔想食野既感覺...真係難頂呀....每到考試就會有好多病症出黎!!!

考試真係比任何野更辛苦..我冇左玩、訓同埋睇tv既時間...好多好多野冇左...
呢個考試我都放左好多心機落去溫..但結果就唔知點啦!!(希望好啦!!)
我真係唔想考得唔好呀...每次考試....成績一唔好...就..好好好好唔開心...
有d人覺得咁樣令到自己唔開心....真係幾無謂下..!!(不過果種付出左又冇收成既感覺真好難受)
其實我都算得睇得開嫁啦(希望中.....!!!)

接著落黎會有咩打算呢?我諗呢次我真係要好好咁去讀書啦!!!由其係英文..
今次既listening真係die左啦!!以致到我要下定決心好好咁讀英文...
我成日都覺自己唔夠努力...好多野其實我可以做得仲好D嫁...可以更上一層樓嫁!!
只不過又係自己唔努力爭取囉...都係自己懶..自己衰..>"<

唉呀..唉呀!仲有art  d野未做..仲有SBA...嗯...好多野好似未做咁呀...
又冇得休息啦!!!好...明天再努力..雖然係考完試~
放低左個大包袱...不過未來仲有好多好多既包袱等住大家去承擔...