c0mment區!!

請不要cm在其他篇章..

 我係鍾鋒..

今年完左啦..我地第5名..

點解我地會有第5呢??

係因為我地有一個人..

佢不斷支持我地..教我地..

將我地發揮得淋漓盡致..

如果唔係佢..我肯定..

我地唔會有咁既成績..

我地好應該請佢食餐飯啦..

佢係邊個??大家知啦..

豪sir..

我覺得你係一個好既教練..

一個出色既教練..一個冇得彈既教練..

你真係幫左我好多..你教識我好多野..

我係度講返聲..多謝你..

p.s 如果你唔教jcc..來喇沙教丫..人工應該唔錯架^^

丫..係..如果大家真係想食飯..係呢度留個言..通知我啦..

今日大家真係踢得好好, 我打呢篇日誌係想總結番過去同計劃下未來既.

乙組既陣容而家已經落實左, 相信大家今日都感受到自己既威力.

當然, 防守係我地最大既問題; 希望大家可以積極同樂觀去面對呢個事實. 老實講, 我地隊波根本無人識打後, 我只可以搵d較有潛質同埋進攻線未用得盡既球員把關. 所以大家一定要體量佢地(包括原本打翼既joey同達, 打中鋒既志明, 由中一被人迫打中堅打到而家既文豪, 臨時加入既子恆同埋最近大有進步既再堅同柱仔). 前面攞失一球波後防永遠要硬住頭皮去幫大家補救, 後面攞失一球一球可能會被人埋怨一個星期. 大家一定要支持後防線, 既然知道後防做唔到完美, 前面果d就跑多兩步幫手補救la!

因為我星期三要上coach course, training會改係星期四, 地點都係天秀足球場, 時間係5-8pm, 大家可以再早少少到warm up下個場先. 缺席既, 我會有處分(輕則扣獎分, 重則無獎拎).

我再重申一次, 你地今年個排位真係超好踢. 我地要去到決賽先有機會對到真正屈機既4大強隊(包括多屆冠軍既方中, 之前同組既地主元中, 天水圍既sports一哥天循, 同埋初賽都係全取9分, 只失一球既青中).

下場會對陳震夏/商中, 估計佢既中場線同後防線會比可道更壓迫, 我地既進攻球員一定要練多幾課, 夾多幾次.

由開學到而家, 你地既隊友顏乂, 江聰同隊長一直為我地付出左好多, 佢地成日提議一d對隊波有改善既提議, 希望大家可以學習佢地幾個對足球隊既熱心.

p.s. 如果你地星期四想踢完波再吹水可以一齊去食飯, 不過呢個睇大家la!

首先, 我好多謝果一日為我打生打死既10個球員, 同埋係場邊幫手既柱仔.

希望你地唔好忘記3:3呢個賽果、我地只有10個球員、同埋比一班弱過自己既對手人多蝦人少既感覺.

我既足球隊係有16個人嫁, 點解果日只有10個.

以後練波練既野會愈唻愈深同埋辛苦, 你唔唻點對得住為足球隊不斷乎出既隊友.

16強了, 贏多一場, 只要贏多一場就會係第五名, 就會有獎牌, 你地有幾多個可以係人生入面攞到學界既獎牌?有幾多次分組同複賽都對住d水準唔高既對手丫, 我好肯定咁同你地講, 呢d機會真係好少, 我踢咁多年學界都未試過好似你地今既分組同複賽有咁幸運既抽籤.

請盡可能出席練習!

我係鍾鋒..

我想同大家講下下一場對湯國華...

我地雖然揸住2球...但係大家唔好唔記得...

佢地係輸比元中6比1...入到元中1球...

可見佢地既攻擊力都有返咁上下架...

唔可以咁睇少佢地...要保持返今日既水準...

大家係做到既...加油!!!!!!!!!!!!!!!

另外...我聽日10號生日...我見到你地今日咁落力...

我已經覺得係最好既生日禮物...多謝大家!!!

我地一齊努力!!!!!!!!!!!!!!!!!!!!!!!!!!!!