2008-07-17今日朝早就要出去太和商務換返本暑期作業...
我真系唔想去換, 太懶喇我...可惜屆企無人,
個個返晒工, 惟有自己去換...太和, 其實我都系幾熟,
淨系識由home樓下搭車出去......落到去個巴士站,
見到有個女人, 差唔多21歲到掛, 樣就一般偏向差,
等左陣, 佢就拎枝煙出黎食, 救命呀! 我最憎就系煙,
佢個樣本來就唔系好, 加埋食煙, 仲樣衰...我行開一邊,
擺明避開佢, 佢又樣衰衰望住我, 我真系想講:「望咩呀望!」
今日真系超熱, 等左15min先有車, 搞錯呀! 平時都系等10min炸!!!
上車, 照舊都系坐窗邊位, 睇景(其實都唔算景), 又諗野...
去到總站, 落車, 本來有條電梯系巴士站個到直上太和廣場,
但系有野圍住, 上唔到, 對面有樓梯, 又系圍住,
搞到我要去McDonald個邊個條電梯先上到去...
由巴士總站去個條電梯之間有d圍柵, d圍柵系超k形, 難以形容...
我咁瘦都過唔到, 真系超窄...搞到我要烏低身好辛苦咁捲過去...
上到去, 商務搬左位, 我系個路癡...睇地圖都唔系幾識...
搵搵下仲衰, 當失路...行錯左3次, 最後第4次先搵到...
晒我唔少時間...去到, 終於換返本岩ge, 就返home lu~
返到去, 超肚餓, 等唔到媽返黎就去左大家樂野飯...
食飽, 佢打離, 話要唔要KFC, 可惜我食飽左, 無口福...
3:00am幾, 呀媽叫我約人去游水, 但系個個都唔得閒,
無得去lu~ 邊個得閒同我去游水呀? 我費時打電話去約...
想去就cm講埋時間~男女都無所謂~有得去就算...
成個下晝就系到睇海賊王, 超緊張呀! 我仲差7集就睇晒...
跟著一個星期就只可以睇得一集, 要慢慢等佢出...
不過我仲有9套劇場版未睇同埋17套特別版未睇, 都好...
睇到5:30pm, 打PS2...跟著沖涼~
沖完, 食飯...今晚好多野食, 食唔晒, 晒晒...
食完, 呀爸買左糖水, 整呀!
蜜瓜西米露, 睇落都想食呀!
宜家要食lu~
文章分類: 未分類
