2008-07-10今日去海洋公園呀!!! 超興奮!
返到去, 原本約左鄭文軒系hall門口等, 點知今次到佢放我飛機...
佢打電話俾我話佢俾呀媽鬧, 差d遲到, 真系慘...
既然系咁, 我就原諒佢啦~
韓魚今日無黎, 真系可憐, 今日超級super好玩呀!
我好耐無咁開心過...可惜岩岩去到海洋公園個陣,
落雨, 天公不造美...不過我都系照玩機動遊戲!
我地睇晒all館先, 再玩機動game!
第一個玩旋轉千秋(個名系咁上下), d雨全部打晒系我身上,
第一個game已經玩到濕晒...不過唔緊要, 繼續玩!
跟著好似系去玩太空摩天輪, 超整~! 由打橫360度到打宜360度, 爽!
之後我地好似系去玩滑浪飛船, 我坐最後, 黎正賢第3, joe第2, bruno第1(因為佢有雨衣)
沖落黎個一下最好, 我坐最後, 最唔濕就系我喇~!
然後我地去食野先, d野超超超貴, 我食個熱狗算...
食完野, 繼續喪~! 去玩越礦飛車! 聽佢地話呢個系最刺激ge過山車~
征服佢就威啦! 超好玩呀, 又上又落, 仲要系3次上落, 好刺激呀!
我地跟著去玩海盜船, 呢個就無頭先咁刺激, 但系都唔錯,
離心力都幾強, 好玩~
玩完呢個, 迷路, 唔識返去集合, 好采俾我地撞到d老師, 跟佢地返去...
我地變左迷途的小羊...
上車, 差好多人, 黎正賢最慘, 佢打俾我, 話唔識返黎, 好采最後都有車車佢地返去...
系車度, 好玪, 想訓, 但系訓唔到, 太嘈啦!
d女仔系後面系咁偷拍, 我都俾佢地偷拍左幅, 睇返, 成隻鬼咁...
我地3個又系度好戰, 劉文系咁打我地, 我同bruno忍左好耐,
終於忍唔到, 打爆佢!
混混亂亂又到站, 落車, 超快速行返去沖涼! 隻腳俾鞋d水浸住,
超唔舒服呀! 沖完涼, 整晒d野出黎, d野系背囊裡面都濕晒, 好采d紙弊未浸爛,
而家要睇海賊王啦! 系咁先~
文章分類: 未分類
