換完衫坐左一陣

因為19樓果位啊生未開門

所以係出面等

搭三就可以入去點名

我點完名後

坐係到等

出面好熱呀

條走廊無開冷氣機

熱死我地

跟住米做埋d功課佢

個個番到黎都係係到趕功課

其實邊有時間做功課呀

上左成日堂

番到去功課好辛苦

今日上左兩堂護理

佢教我地點樣量血壓

之前既急救教我地點樣同傷者用心外壓救人

我覺得學呢d野好好用

護理miss教我地用果d醫生用黎聽人地有無心跳果條野

聽得好清楚呀

有個同學係出面走廊到用手機打電話

岩岩比啊歐生上黎做野見到

歐生比左次機會佢

下次會收

跟住就lunch啦

食左$10飯

跟住上樓去食飯

啊同學有碗湯唔飲

比左我飲

跟住就上堂上普通疾病

講糖尿病

跟住就去左實習

miss教完我地落左去做野

我地係到實習

啊組長做做下唔知做咩

成個定左形

個個叫佢都唔旭

隻眼都係甘

佢成身好震

跟住我同另一位出去搵人幫佢

果個啊生即刻打電話落8樓同miss講

miss好快上左黎

佢開始無咩野啦

不過miss問佢野

佢講唔到野

跟住miss叫人羅血壓計幫佢check

都無事

miss再問佢之前有無試過甘既情況

佢話有但唔記得左咩名

諗都諗唔到

miss問需唔需要搵人送佢番屋企

或者係去醫院check下咩事

佢話唔駛

但miss最後都唔放心

叫人送佢去醫院check

miss問我地佢點樣甘樣既

我地米講番比miss聽佢當時既情況

啊組長自己聽到都好呆左

唔知自己發生咩事

跟住叫我地走

有d人去左清潔班房

而我就去左廁所

去完出黎

岩岩見到miss行出黎

佢叫我照顧佢先

跟住我就係到整番好d被佢就走

係灣仔搭地鐵走

家姐打黎叫我同佢去當當買野

買完之後番屋企

點知原來啊三姑姐黎左係我屋企門口等我地

我地問佢等左幾耐

佢話等左幾個字

佢比完月餅就走左

好眼訓呀

琴晚九點放學

今日就8點幾上堂

想死呀

第一堂學急救

呢堂都好實用呀

個miss講得幾好

跟住上完兩個鐘頭堂

小息

我初頭以為一陣係佢上

原來唔係呀

又唔知點解又無人黎

甘我地米又係做功課羅

做做下

歐生上左黎

同我講邊個用個男廁

因為有人發現男廁有女性用品

問邊個做

我地呢班得兩個男人

成大班都係女人

啊歐生企係到問

因為我係第一個位

我好鬼近門口

所以呢我就同佢一宜線

當我又係望住佢望又望住我

我米搖頭話唔係我羅

最後都唔知邊個

歐生話遲d kit會問番我地呢樣野

跟住就上多一陣就食飯啦

又係好肚餓呀

同同學出去食飯

買左$10既飯係球場到食

好好食呀

食到好飽呀

係下面個幾堂

唔知係米因為食得太飽

好眼訓呀

第一堂上藥物

呢個啊sir講野都唔錯

不過有d悶羅

一陣就係實習時間

但係唔知點解無人黎

甘我地甘係到做功課

到左上普通疾病

ms kit上左黎講書

跟住佢見到我地d椅唔齊

即刻叫我地整好佢

佢最後叫埋歐生上黎

因為啊kit係啊頭

啊歐生係佢下屬

而且其實仲有其他職員既

得啊歐生係最後生

有D都好老下

得啊歐生比較識英文

我有一次見到KIT唔識一個英文

就叫啊歐生入黎問點解

覺得佢好忙

咩都搵佢做

講番過到先

叫左佢入黎之後

叫佢用紙痴住對齊左既椅

以後就用呢個紙黎對齊

啊kit好嚴呀

上完之後食飯啦

好肚餓呀

跟住又上堂啦

上物理治療

唔知係米因為食飽飽又眼訓啦

點解次次上佢堂都係甘既

跟住就去實習

上左呢堂之後

知道好多動作都做錯曬

甘做係唔岩既

實習佢教我地點樣扶老人家

佢得好只細

係過程中

好多笑聲

搞到出面既職員走入黎望我地做咩

我地笑左好多次嫁啦

我都覺得好好笑呀

係落堂果陣時

啊hui sir話會係身第四堂既時候

叫我地做實習比佢睇

好驚呀

令一個職員終於派左比左我地

我地望到個時間表

個個都呆左

要番到星期六呀

無得放假呀

已經返左五日啦

計埋今日

再計埋星期六既話

十日啦

日日都要返到甘早

8點半要返到去

如果係8點幾返既話

五點幾放學

如果係十二點幾返呢

就係九點幾放

聽日仲要返8點幾

好疲倦呀

個個都返到好辛苦

不過係到學d野好好

第一堂上普通護理

到lunch同同學一齊出去食飯

啊燕話想食麵

所以我就同佢去左食

其他人行得太快啦

我地想同佢講我地去食唔去果到食

叫都叫唔住

啊燕話有一間麵舖好平

跟住米行入去羅

好多人呀

我地叫左雲吞麵食

食完之後

我地見到隔離又係有一間麵舖

唔記得講添

頭先我同佢食左各$23呀

隔離果間好鬼平呀

$14呀

啊燕睇錯左舖頭

食完之後返返上去

等上堂

依家就係上實習堂

我地係到等呀等

跟住19樓既職員呢同我地講

因為我地有分ab組

佢就叫我地a組去個邊實習一個鐘

b組就做野

甘個職員就用口講題目

甘我呢邊實習

所以我無唔到佢講咩題目

跟住我地a組上左都唔夠一個鐘

呢個職員同我地講叫我地落去8樓

佢又唔同我地講做咩喎

又要帶埋鞋食物喎

落到去之後

啊歐生走過黎同我地講咩事羅

我真係好唔中意上面個位職員呀

又無態度

無反應

歐生就唔同

咩都同我地講

我地唔明

佢講到明比我地聽

跟住我地問佢做咩題目

佢就即刻行番佢個位到

打電話上去問

因為佢都唔知我地做咩問題

只係接我地落黎

佢行番過黎同我地講問題

有人同佢講叫佢寫埋出黎

佢當初都唔肯

話對上面唔公平

我地係甘叫佢

佢最後都有寫比我地

寫係白板到

佢寫完之後

佢企係到睇下仲有無問題

其實佢講既野我係明

但唔確定

但其他人好唔明

係甘問佢

我覺得佢講得好明嫁啦

佢地都係好唔明

個個都笑

歐生都笑埋

其實我好想幫佢

我驚唔甘講野

佢當時都有望住我

我即刻望第二度

最後好後悔無幫佢羅

跟住其他人叫佢不如所有題目都寫出黎

個題目係甘既

個人衛生

床上浴

床上洗頭

頭蝨

跟住就係

是什麼?

程序是什麼?

是什麼情況下需要?

佢係想張個題目整到甘

個人衛生是什麼?

個人衛生的程序是什麼?

什麼情況下需要個人衛生?

其實係甘姐

但佢地好多都唔明

啊歐生好無奈

啊歐生走番佢自己個位之後

其實我個位係第一個位

而且我隔離就係靠住課室既右面

而且係用玻璃窗黎既

所以呢

一有人行過呀

我可以睇到歐生個邊做咩羅

歐生又可以望我到我呢邊既人

我好8掛

有人行就望

我就係到做佢比既功課

跟住有個同學問左條問題

點解呢條題目甘怪既

咩叫什麼情況下需要頭蝨

個同學講野都唔係好大聲姐媽

佢講完呢條題目之後

個個都笑到爆嘴

自己都爆啦

我見到歐生都係到笑住口甘行過黎

同我地講sorry

歐生做野真係好好笑呀

我覺得佢份人好好人

易講野既人唔惡羅

比起上面果個衰到爆呀

跟住呢堂呢就上物理治療

呢個啊sir好似外國人呀

佢應該似廿幾歲到啦

佢之前係威以絲親王醫院做物理治療

今日返十二點幾

就放九點幾

係上梗物理治療既時候

好眼訓呀

隻眼半開半合甘

你都知啦

我坐第一個位喎

佢好中意望第一排既人

我同佢眼對眼甘

眼又開唔到甘

真係瘀呀

幾次嫁啦

我覺得呢堂好好玩

好中意上呢堂

而且又關於運動

又教人點羅野

我都想做物理治療師呀

夠鐘我地即刻換衫走

十點幾先返到屋企炸

跟住又要執書包

執聽日既野

又無時間做hw

沖完涼即刻訓啦

時間好趕呀

要好早起身

六點幾呀

呢幾日都係上8點半

返早仲好

唔駛甘晚返屋企

果日九點幾放學

十點幾先返到屋企

沖完涼就即刻訓教啦

聽日六點起身呀

好辛苦呀

星期六日都要返

真係慘啦

前兩日個個都番曬黎

今日就啊男班長無返

而d職員都少人返

連啊歐生都無返

我以為啦

因為當時好悶

呢個時間係啊kit上堂既

得一個職員係到

佢係甘叫我地睇d錄影帶

播左兩個鐘呀

都唔知做咩

唔知係米因為佢遲番

佢又唔係遲兩個鐘

中途番左黎

但都無入黎

甘我地個個都寫note

好悶望下人

今日啊歐生好遲番黎

佢今日著便服番黎

佢平時著西裝返黎既

無幾耐

佢入黎同我地收功課

個個都好忙整功課比佢

叫我地寫名幾號咩科

佢幫我地釘

有d人今日仲未交得

歐生話聽日交比佢

仲叫我地唔好交比其他人

因為佢負責呢樣野

跟住無幾耐佢就走左

呢堂上藥物

都唔係好悶姐

聽得明呀

上完之後

食飯

見到啊kit

佢同我地講因為唔知邊個老師唔得閒

所以就叫我地放學

我地個個都好開心

執野走

今日要清潔課室

組長問今日邊個得閒

甘我就話我想做

做完之後走啦