去完安老院

就要考試啦

今日上午就睇點樣換症

係一個瑪麗醫院派黎換症女護士

d公公婆婆好慘呀

有d就有壓瘡

有d就損左塊皮

有一個婆婆d皮損得好嚴重呀

幫佢洗傷口既時候

佢好痛呀

我自己見到都痛埋一份呀

跟住我地就去觀察其他婆婆

到左食飯

真係好肚餓呀

同一大班同學去一間茶餐廳食飯

上次都食過

好好食

所以今次又黎食

跟住下晝就問男護士問題

有咩問題都可以問佢

佢講d野我都好明白

平時早上同埋食飯返黎都要點名

次次都係啊大佬堅黎

但今次唔係

係啊歐生

個個見到都笑住口叫佢

佢一行過黎就笑

聽完男護士講解之後

我就去左溫書

跟住差唔多放學個段時間

同一個伯伯傾計

同伯伯傾計好開心呀

佢好可愛呀

另一個伯伯都黎同我傾計

真係好開心呀

d伯伯婆婆個個都好好人呀

當時既時間都差唔多放學加啦

當我同伯伯傾計既時候

無端端聽到大miss黎呀

我以為miss唔會黎添

因為佢次次都話黎

但最後都無黎

今次係真嫁

不過對我無咩影響

因為我真係同伯伯傾計呀嗎

而且今日係最後一日

好唔捨得係呢個伯伯同埋全院既伯伯婆婆同埋d職員呀

希望下次會再黎啦

我聽日放假啦

後日就上物理治療同埋藥物治療

好驚呀

可能要實習呀

今日又黎啦

又到我執症車

好彩又過到關

番到去係甘溫書

到左miss堂竟然今日唔駛測呀

個個都鬆曬

跟住miss叫我地落8樓上堂

叫我地睇錄影帶

跟住就叫我地做佢比既問題

做做下歐生入黎寫問題比我地

跟住我地成班係甘問歐生羅時間表

歐生話另一個職員整完會派比我地

歐生講完

啊d小姐又再問

好好笑呀

隔左一陣歐生入黎同我地講聽日去安老院既規則

當啊歐生話要戴口罩我成個叫左一聲

有同學問點解我地成日都要係19樓到上

話唔中意係19樓上

我都係呀