約左佢地係地鐵站等, 搭半出門口, 我行得好快, 因為我遲左, 不過都準時到左, 但等左好耐都唔見佢地

因為圓圓遲左, 啊慧打黎問我圓圓同埋eva電話, 到左之後, 一齊去九龍塘, 搭火車去太和火車站

佢地都到左, 得啊旋未黎, 等埋佢就行得, 啊男班長話佢遲d先黎, 叫我地去先, 出發啦

好開心, 好似去旅行甘, 我地成班去巴士站等巴士去許願樹果到, 唔記得左個巴士係幾多號

個巴士都無咩人, 驚無位坐, 全部人都上曬上層坐, 我本來叫啊eva一齊位

見到啊慧同埋啊旋叫我同佢地坐, 我最後都係同啊旋坐, 落左車之後, 我地就入左去

無咩人呀, 可能我地太早去啦, 十點幾到左, 我, 圓圓同埋eva買左六蚊既寶碟

果個老闆係甘教我地點做, 寫咩, 佢仲叫我地買香, 我同eva都無買, 因為唔想

好貴呀, $38同埋$80, 我都話唔買, 老闆話甘樣唔靈喎, 我地話有心得嫁啦

我地行左去, 快事煩住我地, 我同埋eva去放寶碟, 啊圓圓就未寫完

依家唔比放寶碟係個樹到啦, 要放係一塊板到, 跟住圓圓先黎到

佢買左香, 跟住同學仔黎曬等佢, 跟住離開呢到, 有人話食豆腐花

啊慧想食, 但啊浩話甘早食唔好, 涼喎, 最尾慧都無食, 我都好耐都無食啦

影完相就去搭巴士, 唔曬等, 好快黎左, 我地又係坐上層, 都係同啊旋坐, 坐番去果個巴士站

跟住分開坐的士, 我, 啊慧, 旋同埋eva一齊坐, 坐到去大埔既富善, 坐左十九個幾

到左富善之後, 有同學仔話肚餓, 去左m記買早餐食, 跟住就去海濱公園

真係唔知原來富善呢到既公園甘令嫁, 真係好令好令, 呢到仲有一個好似博物館甘

入面有好多昆蟲既野睇, 仲有幼稚園帶小朋友黎參觀, 好可愛呀d小朋友

我仲影埋相, 不過有d好假, 有d好真, 睇完就去賞花, 剛剛去到見到有人影婚紗相

d花好鬼令呀, 唔同顏色, 雖然我自己唔中意花, 不過都覺得好令呀, 賞完花上左去回歸培到

地下係有松木做既, 不過行落去, 有d唔知咩聲, 啊慧好驚行呢到, 一路行一路摸住扶手位

係上面望落黎好令, 望到海, 望到好多野, 勁令, 不過唔知點解由高望落下面就唔驚

望上面就驚, 跟住就行番落去, 由上面跑落黎, 好好玩, 跟住影相

我地就企係到傾邊d人去超市, 邊d人去街市買野, 其他人就去一個地方等我地番黎

本來我唔需要去既, 但因為要買四包碳, 好重 , 所以我同eva都去埋一份

去左呢間叫便利超市買野, 我以為係百隹添, 一部分去搵碳, 我同eva搵唔到

竟然比啊芳芳姨搵到, 只係我同eva望唔到果到, 我地有經過嫁, 買碗買汽水

跟住就埋單, 買左$399幾蚊, d野好重呀, 去到一個地方等其他人, 去街市既人都返黎

早我地少少, 我地唔見無去既人, 我打電話比旋, 佢叫我地行過去搵佢地

最後佢地行過黎搵我地, 圓圓去左廁所, 成班人等佢, 都等左好耐

跟住就行一段路去搭巴士去大尾督, 有人提意搭的士, 但因為貴

所以先搭巴士, 原來呢個大尾督我係去過嫁, 因為我唔知大尾督係邊

但認得個地方, 果陣時係同屋企人黎既, 唔記得左黎呢到做咩

好大個燒烤場呀, 今日無人黎, 可能因為今日唔係假期啦

8仙嶺係燒烤場隔離炸, 我以為要搭車添, 係到擔心自己唔識搭車走

以為得我一個唔去行山, 都有三個朋友陪我, 佢地唔去炸, 唔係因為我呀

我唔識燒呀, 唔知熟唔熟, d香腸好好食, 燒第一次, d香腸比我整到黑左好多

啊男班長唔去呀, 佢有d事唔黎得, 坐係張鄧到食野過陣, 我隔離有隻狗坐係到望住我

我驚到喊呀, 因為好特然呀, 驚到喊, 不過最後我都唔係好驚佢啦, 我仲摸佢添

都係同學仔摸先, 我先甘摸, 我第一次摸狗炸, 佢好可愛呀, 佢好為食呀, 成日望我地食野

眼光光甘, 佢唔食麵包, 雞翼既肉, 訂比佢問到都唔食, 我地個個都知佢想食野

問我地羅野食, 佢中意食骨頭, 啊慧比雞翼既骨佢食, 佢食到呀, 食得好開心

佢食飽就走左, d番薯同埋粟米好好食, 燒麵包都好好食呀, 佢地食完就去行山

其他人留係到燒埋淨低既野食, 等佢地番黎食, 跟住我買左維他奶黎食, 好好飲呀

玩到五點幾就走啦, 我地見到架巴士剛剛走左, 諗住等巴士, 啊慧提意搭小巴

成架小巴都係我地既人, 得三個位比其他人坐, 好似我地包左甘

係小巴到啊圓圓同埋艷提意一陣一齊搭巴士, 我地就早佢地落車去搭巴士

本來叫埋啊慧, 但啊慧話唔舒服唔想搭, 去到巴士站等75x開車, 圓圓落先, 跟住到我

然後先到啊艷, 搭小巴到大埔火車站, 跟住又要搭火車, 跟住先再轉mtr好煩呀

所以我先搭巴士, 搭梗巴士既時候, 大家姐打黎問我陪唔陪佢去做運動

好啦, 我有多次都無去, 就陪下佢啦, 因為我報左名, 好多次都無到

因為我要返學, 就算有時間去, 我都無去, 做完運動好倦, 又要溫書

跟住唔得, 返到屋企去廁所, 放低d野, 大家姐打完電話黎, 又到家姐打黎

啊慧都打黎, 啊慧打比我佢依家先係九龍塘, 哈哈, 我到左屋企啦, 快過佢

去左搵家姐, 十點幾先, 今日好倦同埋好開心呀