明天有個午餐酒會在酒店舉行

同事這星期都日以繼夜準備

今日我臨時頂替一位不能出席的同事

幫手當然無問題...

最大問題係要我著套裝出席

通常套裝都係西裙西褲西裝高跟鞋(斯文個隻)....

我衣櫃裡何來這種衣裳?!

回家後我翻開衣櫃

幸好找到一件半件西裝褸

加上媽咪幾年前買落既尖頭鞋

全都未曾穿過，只係萬一用上而買

終於大派用場

不過返到公司一定被人取笑

"珍妮,未見過您咁斯文喎"

無間道我只看過第一集

故事題材及拍攝手法值得一讚

演員之演出令人再三回味

無間道風雲是外國版的變奏

故事內容香港人都懂得倒背如流

怕且要看的是演員的演繹

2個多小時的電影令我陷入睡魔中

每個主角事無大小在對白中都加插了一個粗口助語詞

實在難以理解居心何在!?

中途去洗手間的觀眾來來回回沒有停止過

沒有張力，沒有氣氛

我實在沒有耐力去看完電影

終於途中離場...

我認為是明知的決擇

星期日晚上讓舌頭品嚐久違了的泰國菜

地點:九龍城

老闆娘熱情既款待，美味的開胃小菜...

很滿足!!

最後來一個潮州糖水作總結

昨日無出去賞月，先知道今晚個月光又大又圓

今日一朝早去深水步街市

居然平時見到既海鮮都絕跡

再兜去旺角街市....人頭湧湧

當見到d桂花蚌呀，大蝦呀，魚呀....都買黎燒，荒死會無

12pm正式集合

3架車浩浩蕩蕩從屋企樓下出發到鹿頸

要霸位其實唔難，因鹿頸個頭好少人去

透好火就正式入題---燒腸仔!

我地就帶住隻狗仔遊山玩水，先運動後作戰

隻衰狗成隻門口狗，見到隻同類居然卻步，真係要帶多d出黎見下世面!!

由天光燒到天黑，班"老人家"已經力有不遞

淨係將所有食物用個錫紙兜一穫熟...快靚正

吐露港公路上，我地追住個月亮歸家

又一年一度既中秋節

未到中秋，D月餅已經不斷奉上

我最怕食月餅，又肥又滯

今年中秋後假期，張家總動員去清水灣郊野公園BBQ

有山有水...地方四正

我同妹子都plan定一個健康又美味既燒烤餐

一大清早我要去街市買海鮮

姑姐今日已經預備好淹雞翼

....如果可以既話...晚上去布袋澳食海鮮就完美~

一頭曲髮困擾我半年

當初潮流所催，加上想轉換新形象

但要keep得好，要花好多功夫

我這樣懶的人，要我一早起身吹頭set頭不如叫我訓多陣

今日終於的起心肝整直d頭髮

足足4個鐘....

又染又燙，我坐到個人硬哂

千幾蚊整個頭忘卻後顧之憂

點都抵~

同事前陣子給我2張"韓流怪嚇"的戲票

驟看戲票的設計有d反感

完全沒有意慾入場觀看

借花敬佛給了友人

怎料網上對此電影評價甚高

立刻哀求同事給我多2張

********************

電影以親情作主幹

怪物是一個點綴

其實電影的情節頗驚險

差點被嚇倒!!

內容亦反映了大美國主義，韓國政府的諷刺

....看了好幾套電影，發覺港產片不濟不是被翻版或bt拖累

香港根本就拍不出好電影

呢幾日好多人病，無一幸免

我既鼻敏感又開始發作

雖然穿了長袖衫，但出入冷氣地方好易病

今日開始感覺唔舒服...

假期前求神拜佛唔好病!!

天氣異常

這幾日翻起季侯風

風力強勁

星期日的黃昏變成紫紅色

我把那一殺那攝下