Krispy Kreme的冬甩和甜點

表妹曾經從加拿大空運回港

從外表看是一團極高脂肪和肥膩的物體

不過仍然難以抵擋甜品的誘惑

妹子說是澳洲的名牌冬甩

她在澳洲時一嚐此冬甩後即難以忘記

昨天公司同事買了一大盒回來分享

先來一個朱古力拖肥冬甩，聽個名就知卡路里極高

....YUMMI!!!!

公司不明文規定

凡有同事生日都需要請壽星公/女食飯

及奉上蛋糕一個

唔貴唔食....

就係咁....動輒每次都要比一舊水當人情

今日有2個同事生日

跟住又有1個同事生日....

差不多所有餅店既生日蛋糕都比我地試過

有點兒膩!

昨晚無計劃下睇左《魔怪屋》

大多公司送既戲飛都係叫好不叫座既電影

不過這次實在喜出望外

離設計學校畢業已有5年

今日再見一班舊同學已經係1年前既事

不過好似有d生疏....

能夠抽空出席只有7人

話題離不開工作，舊趣事

(右)最風生水起都離不開阿龍這個"大老細"他星期六晚放假，剛由深圳駕車出席是次飯局

(左)winnie依然無變，一樣喜歡打扮

↓(左)阿傑這個老朋友依然鍾意吹水，不過見佢身光頸靚似乎在廣告界撈得唔錯!!

   (右)阿賓跟阿傑呢個爆笑孖寶既組合已經令氣氛高漲

(左)美中差d認唔出佢，因為佢不嬲都咁省鏡，由星島轉左工做銀行，應該都泊到個好碼頭

另有一個中途輟學既女同學叫jade，我地將來可能有機會合作，因為我不斷游說佢公司d產品贊助明周，順道宣傳

今次飯局穫益良多

吹到我頭髮亂了

吹到樹搖葉落

死人天文台咁q大風都唔掛8號

今日返工差d吹走!!!!

要企埋一邊竭一竭先可以繼續行

*****************************

昨晚睇左超人

開場既音樂好有親切感

整套戲都好刺激緊張

不過唔鍾意太強調大美國主義

一貫災難片作風，所以無咩驚喜

超人既樣貌近似臘像人完美(即係好油頭粉臉)

由頭到尾最令人發笑係超人髮型...

無論落水，飛行中，昏迷中...額前既勾都迄立不倒

好彩超人樣子都和藹可親

有d情節其實幾感人

總括而言:75分

繼之前剝牙用左一大筆現金後

呢幾日姑姐回港，請左佢地食飯

前日又買左部手機

計計埋埋使左幾千蚊

日日帶飯既決心更堅定!!

星期六滂沱大雨下舉行家庭飯局

各兄弟姊妹從國外暑假期間歸位

↑排排企等開飯

↑小朋友娛樂之一，不過唔衛生

↑姑丈大展歌喉

公司同事真係深藏不露

有人喜歡玩電動飛機，

有人喜歡駕船出海兜風，

有人係爬蟲類專家，以養動物賺外快

......

前幾日公司上司herman帶左一隻蜥蝪蛋孚化

昨日出世不久便夭折，身長只有5cm，全白色

一條可賺700大元啊!

昨日他又帶了一隻甲蟲返公司觀賞(如圖)

***********************************************

晚上約好一班同事打桌球，這還是我的第一次

經過一輪訓練與指導，總算有點成績

雪糕乃夏天最受歡迎的消暑食品

最有名的雪糕係來自意大利

但原來雪糕的發源地係來自中國，

是中國唐朝的人將冰和奶混合而成的「冰酪」，

據說後來由意大利旅行家馬可孛羅傳入歐洲。

至於雪糕於不同國家有不同風格:

世界各地有不同「種族」的雪糕，都會就地取材造出不同口味，不同雪糕亦反映當地文化﹕

法國雪糕

法國的忌廉製作技術高，雪糕的忌廉分量較重，產生厚實的口感，令人有實在的飽肚感覺。由於法國人喜歡精細的食物，味道特別豐富和多元化，是味道最濃的雪糕。

意大利雪糕

意大利牛奶產量豐富。雪糕主要以牛奶、糖及新鮮水果打成，不加忌廉，脂肪含量較低，亦不會打入大量空氣，雪糕的密度高，口感特別細滑綿密。意大利人習慣以不加工的原材料製造雪糕，如新鮮水果及各種果仁等。

日本雪糕

採用源自意大利和法國雪糕製造方法，忌廉和奶的比例相若。由於日本較少生產水果，轉用其他食材做雪糕，例如芝麻、綠茶、紅豆和清酒味，甚至有wasabi、咖喱飯等奇趣口味。

泰國雪糕

泰國盛產椰奶，故製雪糕時會以椰奶代替鮮奶，黑糯米也是泰國著名的產物，所以又有黑糯米雪糕

菲律賓雪糕

二次大戰時，美國軍人將雪糕傳入菲律賓，材料以忌廉為主。由於熱帶地方盛產水果，所以菲律賓雪糕多以新鮮又香濃的果味為主，如著名的芒果、芋頭。當地人習慣破開椰青來放雪糕，與椰肉一起進食。

土耳其雪糕

以羊奶和蘭花根部(Salep)作材料，產生如香口膠般的煙韌口感。由於其融解速度慢又有韌度，傳統攤檔的店主會用一條很長的鐵棒來挖雪糕，將它拉成如橡筋長條作跳繩表演。普遍的味道為雲呢拿、果仁等。

***********************************

意大利雪糕我喜歡吃Da Dolce Gelato Italiano

口味千變萬化，而且滲透香滑既奶味

以果仁的味道最濃郁，不過令人趨之若鶩係低脂唔會肥

至於日本雪糕不得不食麻布茶房

 其中鎮店之寶蕃薯雪糕令人一試難忘....

第一次食泰國及菲律賓雪糕

記得係2位傭人從老家空運回港

味道非常清新，以芒果味最吸引

係香港我還未見過有得買(如有人知道請告知!)

美國雪糕首推Haagen Dazs

推介之處是真才實料，選擇多

最後不得不提係香港富豪軟雪糕

縱使碰上雪糕的機會微乎其微

但當您聽到"藍色多腦河"很自然您便會想起它

公司同事都喜歡搭的士食飯

原因:

1) 路程遠，要搵間似樣既餐廳起碼要步行10分鐘

2) 天氣悶熱，無遮無擋既路程好辛苦

3) 10個人搭2架的士剛剛好

4) 5個人去附近食飯要等小巴，倒不如搭的士又快又舒服

前天和今天都去了篡基灣食飯，

柴灣到篡基灣我地要轉車

為了一碗安利片頭撈粗($25)+一支汽水($6)

共付出了$15車資，在烈日當空下排隊食lunch

今天同事又大魚大肉，吃了一餐海鮮

.....比錢時唯有強顏歡笑