尋晚發左兩個好詭異ge夢....兩個都要係關於考英文....=.="

第一個...

話說某一日我要去考英文啦....但係我又唔記得左喎.....

仲買左三包薯片諗住拎去自修室度食啦....

點知當我行到去地鐵站呢...就見到有勁多人係度排隊喎....

原來佢地係排隊入試場....但係我唔知點解係地鐵站度呀....

咁我就即刻將d薯片塞入個晝包度....跟住就趕去試場啦....

當我去到試場之後就發現....無論係考A卷定考B卷ge同學仔都係晒度....考同一份卷...=.="

而d同學仔竟然全部都係我地班ge....=.="....

我地明明係第二間學校考啦....但係監考ge果兩位老師竟然係我地間學校ge某兩位miss 同阿sir...

最搞笑ge地方係....我地明明係考英文....但當我地考完之後呢....

袁sir竟然行出黎話幫我地對返頭先份卷....即係bio mc....

最詭異ge就係....我地真係拎份野出黎對....=.="

第二個...

今次就到考listening啦...一開始都比較正常少少....真係係禮堂度考ge....全部人都唔識....

原本呢....我就係借左我阿爸部收音機ge....

但係去到之後....一開始就係咁播死一首歌....

咁佢係一部普普通通ge收音機黎架....又點會播到歌呢？？

之後我就不斷咁較...希望可以較返去收音機啦...

但係人地個個都已經開始考緊試...=.="...

結果就係...我係度較黎較去...人地就係度考緊試...

不過無論點較都好....都仲係播緊同一首歌....

跟住呢...大概係做左Part A ge MC部份啦...

個監考ge就同我地講...停筆....你地可以拎份卷返去做....聽返收音機就會有果段錄音帶聽架啦....

之後我地就真係拎返去做...跟住就聽啦....最過癮ge係..我地可以較倒帶...聽返d我地聽唔到ge地方....=.="

唉....如果考試真係可以咁就好啦....=.="