仲有三日咋~~呵呵呵~~

呵咩鬼呀....出面果個人仲係度嘈緊呀....仲笑....

癲架....下次佢要發癲之前就好心佢出句聲先啦....

等我有得避難嘛....再唔係我情願比部MP3轟炸我隻耳都好過聽佢係度鬧人.啦.....

話個妹冇交帶....佢自己都有打到電話返黎話夜D返架....

你自己唔記得就唔好係度嘈啦.....

話養隻狗好過養我地.....咁你咪去搵四隻狗返黎養囉....

跟住就掉我地出去囉....咁好唔好呀？？順晒你意啦.....

話養死個老母好過養死你.....咁阿媽死左係係咪好開心呀.....

到時得你一個養我地喎....你再咁鬧法...我情願搬出去住好過留係度聽你嘈啦....

你信唔信個妹都會跟埋我搬出去住呢....咁成家走晒....得返細佬係度陪你...

咁你又會開心嘛....

宜家呢樣又鬧...果樣又鬧...咩都鬧得一餐...跟住就你又要勞氣...我地又要唔開心....

咁到時搞到冇人理你果陣你係咪又會開心先....

返到鄉下又睇唔過眼你個細佬....又話你阿媽開始有點煩煩地....

咁你想點呀？？剩底你一個自己養自己囉......

阿媽間中去打下牌....聯絡下D朋友....你又要鬧....

你自己冇朋友就算啦.....你唔可以阻止人地去娛樂下喎....

話阿媽走去風流快活....有病GE人先會咁講自己老婆囉....

一班師奶聚埋一齊唔係打牌就係行街架啦....

到時如果佢真係風流快活....我睇你仲會激到咩樣.....

話阿媽激死你....如果你自己唔勞氣咪唔會激氣囉....

你比佢去娛樂一下又有咩大問題呀....

佢又唔會洗晒你D錢....佢自己都有賺到錢返黎架....

話佢唔買「送」....咁屋企宜家係咪少少野食都冇呀？？

你尋日先買左廿磅雞翼返黎....就算日日煮黎食都可以食到一個星期啦....

個雪櫃都裝左唔少野啦....又點會冇「送」呀....

既然係咁....今日買同聽朝先去買又有咩分別呀....唔洗死咁嚴重呀.....

成日叫我地讀書唔好比咁大壓力自己....

但係你又點呀....我話要考試要溫書....你又話我唔陪你細佬食入伙飯....

當我想溫書GE時候你都有試過話我讀咁多書都唔知我讀咩啦.....

你最常做GE野就係係我想比心機溫書果陣....你又係度鬧人....

你又知唔知你一鬧人就會影響到我GE心情呀....

咁我仲點溫書呀？？但個揭字....咩都入唔到腦啦.....

咁到時我仲可以點考試呀？？冇壓力？？

你心情好果陣就咩都玩得....心情唔好就連玉王大帝都頂你唔順.....

我宜家最希望GE就係有一隻藥令你講唔到野一段時間囉.....

就算話我黑心....話我不孝都好....我都係咁講架啦....

成日咁嘈法....人都癲啦....

即使係經過咁多年....我係應該慣左呀....

但係你鬧D野真係令人好難受囉....

再唔係GE.....自己身體裡面GE機能可以控制隻耳想聽就聽....唔想聽就睬你都傻....

但個問題係....呢兩樣野根本就冇可能會出現嘛....

佢真係好煩呀........搞到我都忍唔住要講...#%&(*&$#@#%^&()&%$%&*

呼......講完之後服務晒...但都係提不起勁去溫書......=.="

但係我唔可以對唔住關小熊架....點都要拎份中文出黎溫...><"