嘩嘩~過左今日ge11點幾...我地ge考試生涯就暫且結束啦~
哈哈~好開心呀~我地決定左今日去踩單車啦~雖然我唔識∼
但係當我地係度傾單車d野ge時候呢...
小盛盛突然間講左句...你唔識呀？？咪小熊車你咪得囉...
嗯嗯...我冇睇到佢有咩表情呀...不過佢冇出到聲...
小盛盛突然間講左呢句野出黎...真係嚇鬼我...=.="
好啦...下晝兩點幾...好唔準時地終於都集齊人...可以出發啦...
我都唔明小熊同小盛盛係咩構造架...佢地竟然可以由頭傾到落尾...
完完全全不受外界干擾...頂佢兩個唔順囉...
好啦...當我地去到租單車ge地方時...我地要決定租幾多架單車啦...
佢唔肯車埋我...咁算囉...同波波一齊...
其實...同波波一架車係好危險架...好易跌...
結果...係無驚無險ge情況下...我係同淘淘同一架車...
淘淘開車ge技術簡直係一流啦~我將我ge生命完全交晒比佢啦~
呵呵...同淘淘行左一大段路...係度享受微風輕吻我的臉龐...簡直係正呀..><"
一路上...我地有講有笑...不知幾咁開心...
跟住到左一個好臭ge地方時...司機轉左人呀...><"...
轉左做佢囉...但係我唔鍾意佢呢個司機呀...><"...唔鍾意><"唔鍾意><"...
不過淘淘要教clare踩...算啦...
但係落斜果陣佢竟然加速囉...算咩意思喎！？唔睬佢啦...><"
跟住我地係隧道度停車...等埋clare佢地...
冇幾耐之後...我地就聽到clare ge尖叫...咁就代表佢地黎緊啦...
係呢個時候...我ge司機就轉左做肥仔啦...不過佢淨係車左我上斜...
當淘淘好努力地同clare一齊上斜ge時候...佢地失去左平衡...炒車了..=.="
oh my god~clare整親隻腳呀~肥仔好心疼呢~
而波波同佢就已經唔知踩左去邊啦...
跟住波波打黎話佢係度等緊我地...咁我地就盡快趕過去啦...
今次我同淘淘起步起得好成功呀！！！冇失平衡呀...><"...正...><"
去到波波果度ge時候...佢已經不見蹤影啦...哼~算~
跟住又繼續同淘淘享受涼風輕拂我的臉龐啦...
冇錯...今次係涼風唔係微風...係輕拂唔係輕吻...
因為我地踩快左...所以相對地...風都大左...
直到去海邊ge時候...我地休息左一陣...坐左係d大石頭上面望海...
好舒服呢...><"...
過左一陣我地就返轉頭啦...今次我係同波波一齊...
嗯...呢一次合作得幾好...一開車就得啦...
不過我地唔停得囉...因為驚起唔到步啦...
當就快落斜ge時候...我見到佢同一個跑步人士係度唔知做咩呀...
之後聽返小盛盛講先知...原來佢差d成個人飛左出車呀...><"
最衰都係o個個人啦...跑跑下突然間轉頭囉...搞到佢要剎車喎...
咁佢又唔知點解剎左前面冇剎後面囉...結果就...咁囉...
好彩我見唔到呢...如果唔係實比佢嚇死啦...><"
嗯...跟住個司機就轉左做小盛盛啦...同佢踩都幾得意啦...幾好玩...都有傾計...
之後我係馬場隔離條路上面學踩單車呀...呵呵...雖然係平衡得唔係咁好...
但總算都踩得到...或者可能曾幾何時我曾經踩過啦...
不過我差d撞到人...因為我顧住望條路...冇講到前面...
我仲記得個人個樣好無奈呢~~^^~
跟住就轉返到波波做我ge司機啦...本來都平安無事...
但係...差唔多返到去ge時候...不幸ge事就發生左啦...
當我地繞過一個阻礙後...我地就失去平衡...跌左落地啦...><"...
我兩隻手掌就擦左落地...又跌到跪左係度啦...左腳仲撞到單車條鐵...
不過就冇損到...得個痛字...但係波波隻腳就比架單車刮損左啦...><"...甩皮呀...><"
叫佢貼膠布佢又唔肯喎...叫佢搵水洗下佢又話等陣先喎...唉...真係...=.="
嗯...當我跌倒之後...我抬起頭...見到佢都停左車囉...
等我起返身之後佢先行過黎...問有冇事...不過我裝作聽唔到...
都唔知佢係咪問我啦~哼哼~
之後個司機就轉返做淘淘啦...波波話有陰影...
嗯...我唔敢太大力握住手柄...因為手掌心隱隱作痛...><"
踩完之後...我地一行人拖住又支力又無力ge身軀去吉野家食野...
我食晚飯...佢地食下午茶囉...
clare個樣支力到好似上次咁呀...唉...真係得人驚...
不過今次冇上次咁嚇人啦...算啦...但係佢今晚可能會發燒耶...
咁我就好快地解決眼前好好味ge牛肉飯啦...
之後就搭火車...再轉小巴返去啦...
當我同波波踏出火車站之後...我地見到長長的人龍就卻步啦...
因為都幾長下...我地要等到第四架小巴先有得上車囉...=.="
不過佢地ge車次都好快啦...我地等左一陣就有車啦...
嗯...九點鐘...太支力...所以就上床訓覺...係咁先...>3<
|
