原來今日已經係第28日啦...唔怪得一早起身就唔多舒服啦...

月姐姐仲要一早就黎探我喎...真係有心囉...唉唉唉...

到十點幾ge時候痛到我傻左囉...之後我就考慮去唔去自修室啦...

不過呢...痛完一輪之後呢...跟住果幾個鐘都冇痛啦...

食完KFC之後就出門口啦...一路都冇痛到架...冇咩唔妥....

但係...當佢黎到之後就開始痛囉...開頭都唔係點痛...

不過到左四點半左右啦...突然間痛到我阿媽都唔認得囉...癲架...

間歇性地痛完一輪...到五點十走人...起身ge時候feel到條腰有少少痛...

都唔知係咪月姐姐d禮物搞到我腰都痛埋啦...唉唉...

走ge時候見到鄧寶囉...同佢傾左幾句囉...就係咁啦...

返到去屋企...老豆搵緊個搖控...咁我就突然醒起唔小心放左入抽屜啦...

咁我就去搵返出黎啦喎...之後佢話我痴X晒線囉...咁鬼唔小心...

咁我就有點兒晦氣地同佢講...一時唔記得姐...洗唔洗咁呀...

之後佢仲繼續咁鬧我痴X晒線囉...洗唔洗咁樣？！

有冇搞錯呀...係人都有唔小心ge時候架啦...洗唔洗咁發我脾氣呀...

我今日d心情又唔係咁好啦喎...佢仲要咁話我...咁我咪黑口黑面囉...

佢之後仲可以當咩事都冇發生過囉...點可以咁架佢...我頂佢唔順囉...><"

唉...算啦...都係早d去訓啦...如果唔係聽日就有排我捱啦...好支力...><"