今朝九點打比clare...佢話今日唔洗返喎...真好...不過我已經擦左牙啦...><"

下晝食左個包同埋碗仔翅咋...之後就冇咩點食野...

睇完電視之後就自己去左自修室度做chem啦...

到左兩點半佢打黎...問我係邊...=.=...當然係自修室啦...

佢打完黎之後冇幾耐...高佬就黎左啦...今日得佢一個...

佢黎ge時候仲要滴晒汗囉...kaka...佢坐左係我隔離...咁即係今日同唔到關小熊坐啦....

之後係度各有各做啦...我見到d氧化還原就唔想做啦...即刻跳過...唔做住...

做下做下...咁我飲水啦...點不知...唔小心地...倒左少少水落本野度...

啞左囉...濕晒...點做呀大佬...=.=...高佬建議去廁所用果部野吹乾佢囉...好主意...

做多一陣...咁我去廁所啦...當我諗住繼續聽mp3 ge時候...兩個耳筒都壞左囉...=.=...玩野咩...

咁就搞到我冇得聽啦...又要買耳筒啦...=.="...又唔知幾時先有得聽歌歌啦...=.="

到左五點八...高佬就走啦...佢要去補習...到六點...我地就走人啦...

返到黎屋企...開左icq...到左七點鐘...一個我唔係咁想見到ge人add我...

佢問我有冇msn...有就比佢...等佢add我...

到我沖完涼之後...我都係決定比左佢...嗯...或者你地都會好奇怪點解我會比佢...

嗯...我覺得...朋友都可以分好多級架...有d可以係好好傾...有d可以係話不投機半句多...

或者...佢唔add我...我都一樣可以唔鬼理佢...照宜家呢個情況黎睇呢...

我係網上面撞到佢ge機會係好細...比同唔比又有咩分別呢？？

同埋...佢已經成為過去ge一件事...對佢...我真係唔知仲有咩感覺...普通到不能再普通ge朋友...

算啦...夜晚...即係宜家...佢打左黎...叫我記得帶隻碟比淘淘喎...宜家傾緊...