irene打比我.....一開波就話.....「我比vincent拒絕左....」

原來.....尋晚佢屋企人係度嘈到話離婚....

之後佢就打比比vincent同佢傾.....

跟住佢話大家成日都靜晒.....

所以就同左佢講話佢鍾意佢.....

但係vincent拒絕左......

嗯....佢同我講.....佢覺得自己好衰.....

因為之前兩次拍拖.....佢都係因為果兩個男仔係有才華同有錢.......

之後分手....都係因為vincent呢個人.....

佢唔明點解自己唔可以同一個鍾意佢90% ge男仔一齊.....

偏偏要揀一個自己鍾意佢90% ge男仔......

跟住佢講.....或者可能vincent覺得佢太靚女....所以自己唔配同佢一齊....

佢又話......佢自己好鍾意vincent.....同時又認為vincent都對佢有意思.....

直到尋晚佢先知.....原來個男仔根本冇鍾意過佢......

佢又問.....咁點解個男仔之前又要對佢咁好......

我心諗.....或者個男仔所做ge野.....比左好多錯覺irene....

而irene錯就錯在.....佢認為呢d野係必然ge.....唉....唔知啦......

跟住佢又話.....朱朱之前提過中三有幾個女仔好靚女......

但係irene就覺得佢地唔靚女......因為佢覺得自己靚d....

我覺得....有自信ge女仔的確係會好靚......

但係過於自信的話......反而會比人覺得.....佢睇唔起人......

而irene就係咁ge女仔掛......

嗯......佢話....佢今次係第一次比人拒絕.....

我同佢講.....無人一出世就唔會比人拒絕.....

點都會有第一次......

而我就衰衰地咁有少少開心......

因為我終於都等到佢跌低ge一日.....

如果佢跌低一次.....佢就唔知自己ge問題係邊.....

不過我都希望佢自己會識諗....識得點去改.....

如果唔係ge話.....咁我就會對佢好失望.....

跟住佢又話......佢睇返佢爹地媽咪張結婚相.....

佢地兩個都笑得好開心.......但係點解今日會搞成咁呢？？

佢好羨慕我地屋企.....因為我地雖然係捱得辛苦.....

但係我地都生活得開開心心......最少唔會有離婚呢個現象出現.....

我同佢講.....家家有本難唸的經.....

你羨慕人地屋企ge生活....而人地都羨慕你屋企ge生活....

老套d講句.....俗語都有話.....隔離屋d飯係香d....

每個人ge野係已經一早訂左.......我地冇能力....亦都冇可能改變得到....

既然係咁.....我地就可以嘗試下轉一個令自己好過d ge角度去面對呢一件事......

經一事長一智......係事後你可以諗返....你係呢件事裡面學到咩....知道咩....

嗯....跟住我就叫佢睇下電視.....之後飲返杯熱牛奶.....

跟住就去訓覺.....鎖埋房門.....今晚無論咩事都唔好理.....訓自己ge覺.....

其他野等聽日心情平伏左.....跟住先去諗.....the end....

我臨訓之前.....又諗左好多野.....

而個結論係......

人最脆弱ge時候....大概會係因為「愛情」呢兩個字.....

而「愛情」永遠都會係人類最大ge致命傷......

或者.....我對「愛情」呢兩個字ge幻想.....已經一點一點地流逝.....