今日一早起身...好似都冇咩精神咁...

都唔知係咪尋日同佢傾完之後就咁啦~呵呵~

跟住就同兩個波波同埋肥仔一齊出去睇《在世界中心呼喚愛》...

不過我d心情都唔知點咁...都冇咩出聲啦...

睇睇下戲....我聽到隔離再隔離果個女人係度喊呀...

雖然套戲都真係會令人想喊...有幾次我都想啦...不過係唔知點解...

個主角ge某d動作都會令到我想喊...哈哈~真係傻傻地ge~

睇完之後...我見到前面有兩個人係度咀咀呀...仲要有聲添...

雖然只係咀一咀就分開...但係...始終係公眾場合呀...唉唉...

走出戲院之後...我地就去搵野食啦...clare囉...又唔同我地食喎...

但係又同佢阿爸食...真係..唉唉...

之後我地就去左大家樂度食啦...我食左個咩炸魚雞扒飯...幾正oY~~

食完之後肥仔就返屋企...波波就去補習...

咁我就唯有一個人傻下傻下咁去三聯囉...

一路都係度諗緊野啦...跟住就唔記得左究竟三聯係二樓定三樓呢？？

之後就搵下搵下啦...結果買左三本書...

《只要你過得比我好》....《還未懂得忘記》呢兩本就係wasabi作ge...

第三本就係《聽旋轉木馬說愛》...幸潤年作ge...

呢兩個作者作ge書我都未睇過架...咁點解我會咁大膽買左佢呢？？

其實我買之前都睇左一兩頁架...開頭係比個封面吸引...

之後睇埋個內容大概...都ok啦...咁咪買左佢啦...反正有八五折...別緊要啦...

返到屋企之後...又同佢講左d野啦...之後就舒服晒啦~~

哈哈~宜家冇咁煩啦...原來...有d野係要講出黎先舒服架...

不過係要同當事人講...同其他人講...佢最多只係會開解你...

並唔會比到你想要ge答案...

而我呢...其實並唔係咁需要人地黎開解...

因為通常我都冇咩耐性去聽啦...而且都唔係太習慣同人地剖析我諗緊ge野...

所以呢...我諗我都係比較適合開解人地...

不過開解人地又有一個問題啦...肥仔就係一個例子...

假如我開解佢ge候...佢真係唔係咁開心ge話...我就會講得出...

但係當佢係度笑笑口咁ge野候...我就唔想講啦...

反正佢自己諗通左...就唔駛我黎講啦~係咪先？？

哈哈~今晚食左「紫霞湯丸」呀...不過...要炒左d人先得啦...

因為煮完之後就走晒樣啦...味道就...麻麻地啦...

好啦...我要去訓覺覺豬啦...Good night...>3<