癡線的...一開學又聽到佢係度鬧人...一日唔開學佢都唔去鬧人喎！！
放緊假果時...媽咪一個月打牌ge次數都比較上多...（對佢黎講）
但係佢竟然出奇地冇鬧到人...睇落去佢ge心情都好似唔錯咁喎...
等我仲以為佢轉性啦...
點解開左學一日咁大把...阿媽話今日返工有人請佢去食飯啦....
佢地去得ge咪又係酒樓...活動就唔少得打麻雀啦...
阿媽一放工返到黎就同佢講左...到佢出左門口之後...
老豆竟然話佢講大話...佢根本就係想打牌...請食飯只不過係藉口...
仲話佢講ge野係唔值得信...-.-...跟住又係度鬧啦...頂佢唔順啦...
我唔覺得阿媽有咩理由要講大話囉...
佢上個月去打左咁多次...次次都係直接同你講話去打牌...
點解今次要講大話先？係你自己唔信人就唔信人啦....
同時間...我都發現左一樣野囉...老豆根本就唔信阿媽...
如果係我老公唔相信我的話...我覺得呢段婚姻點都有點兒難過囉...

另外一個問題...個妹去左同學屋企做功課...
姑且勿論佢係抄定自己做啦...我相信佢今日ge活動係「做功課」...
下晝佢問過個妹幾時返...阿妹話七點幾八點啦...
好啦...佢今晚就做到成九點幾先離開果個人屋企...返到黎都成十點...
佢又係度發晒脾氣咁鬧人囉...鬧佢唔係做功課...係去玩囉...
我完完全全係覺得激氣囉...我冇野可以講....
做功課呢樣野你冇話幾多點做完就幾多點可以做完....
尤其係我個妹ge腦袋...佢又唔係叻女...
我真係頂佢唔順...佢連家人都可以唔信...咁佢仲可以信邊個呀？