呵呵…今日大概12：30先醒，

訓左大概11個鐘啊！

好精神！= )

  我地(我同家人)一點半出門口，

出去旺角搵阿媽食Lunch，

食日本野。

(其實我唔想甘早出去，

但係阿媽費時番屋企，所以局住要出去。)

  間日本野係女人街。

  我個餐$33，但係就食到我想嘔！

勁！= ]

  之後我地行一陣街就去婆婆公公屋企。

  由於今日係婆婆生日，所以大家一定要出去食飯。

  次次出去都係得個悶字，

我又係早快食完個個。

無野好做。

電視又冇野好睇，

做香港小姐，一D興趣都無！

我只係想快快食完快快走！

  唉…今日真係悶！

  不過有一樣野係開心D，

就係有得食雪花冰，係花園街個頭。

好味！：P

  係好耐好耐之前，

羽毛球阿sir(細劉)話要今日搞個大食會。

  本來我地都被分配好帶唔同既食物，

包括阿sir都要帶。

  嘩！今日個個都有帶，得阿sir無帶！

去死啦！

甘唔守信用！

  佢話開學之後既第一日會帶番俾我地食喎…

信佢先奇啦！

佢一定又會唔記得架啦！

  不過由佢話冇帶既一刻開始，

我就已經放棄左lol…

  哈哈…其實今日都冇咩特別…

所以其實都冇咩野寫，呵呵…

  琴日係天恩生日！

  大家為左興祝天恩又老多一歲，

所以就去左天恩屋企玩。

  嘩天恩屋企好接近大自然架！

所以我地入去既時候就搭的士，

搭左$53，AA制。

  首先我地就食野(Lunch)，

跟住就煲劇。 -_-

  煲左四個幾鐘，

期間我同加姐就成日都話要去沙灘。

最終大家應該係俾我地煩到迫於無奈要去。

  去既期間，何+成日都話要走。

不過我地最終都去倒！

  好污糟啊！

不過我地都有落去行。

  走既時候最辛苦！

行左好耐先見倒個巴士站！

順利番倒屋企。

--------------------------------------------------

  番到屋企，都7點幾。

  食完dinner之後，

要做我家姐俾我做既數。

爆難！

  做到我12點半，都做唔晒。

之後就好順理成章甘喊囉！

  本來自己入房喊，

但係俾人發現左！

  又俾人話。

  但係佢地話我既期間，

我就發覺佢地根本就唔明白我。

  我喊，係因為我唔甘心。

  又再一次，我既軟弱無能又話俾我知，

我既家人了解我既程度。

  又係因為我既軟弱無能，

又再令我同我身邊既人感到失望。