今日有新生黎我地班(S3A)呀！！

  佢係女仔，都幾高架，叫吳君儀。

不過佢唔係香港人，佢係福建人，

所以佢唔太識聽廣東話，更加唔識聽英文(寫、講都唔識)！

  呵呵…曾sir就慘lol，

又要講普通話，之後又要講多一次英文版俾Mr. Eriksson(更正)聽。

有時轉唔切，竟然同Mr. Eriksson講普通話！(笑)

有時又忍唔住講廣東話，

結果就要將成段說話講一次英文同普通話。哈哈！

  一到小息，成個班房都熱鬧左好多！

因為B班既同學門都走黎八下新生係點樣。

好多人啊！= ]

  大家都八八掛掛。(我都係啦！)

  希望以後可以同佢好好相處，

不過首先一定要講好D普通話先，

加油！！

  今日係新學年既第一日番學，

已經確定左我係S3A。

  講真個句，

我覺得呢班最嘈既女仔係我，加姐同Zoe！

  嘩，我已經叫最嘈，世界變lol！(笑)

  我地成級總共走左十七個人。(無計錯既話)

好似有D冷清呢！

個個都走，個個都去外國讀書。

  老實講，好唔甘心呢！(痛)

我真係好想去外國讀書啊！

  但係自己又唔夠料去考獎學金，

根本就唔可以從任何途徑中得到資助。

前途一迷惘。

  很想變強，但有心無力的感覺，很難受。

------------------------------------------------------

  第一日番學，當然好悶啦！

尤其係開學禮！

  不過，加姐就好開心，

因為我地其中一位班主任係佢最愛既人— Mr. Erickson！(希望無寸錯)

  而我地既娛樂就係笑加姐對 Mr. Erickson既反應。

  其實都好既，因為自此之後，加姐就會愛上番學喇！

即係話學校又會多一個熱愛番學既好學生喇！呵呵…

  琴日我，小傻同加姐一齊返學校買校章，

順便八下個迎新日。

  我地見倒好多老師係Hall，

之後曾sir同Miss Lo仲有YLam同我地傾計。

  之後YLam同我地暗示左S3A同S3B既班主任係邊個。

  但係YLam仲暗示左有人會調班，

仲話好似我會調去S3A啊！

  我唔要啊！S3B 既女仔好似巔D，好玩D！

就算係楊sir做班主任我都想同3B既女仔一齊啊！

  不過其實3A都唔係唔好，

冇咁巔，讀書都會專心D！

都好既…