今日，我同加姐去左葵芳既葵涌廣場行街！

我地今日既目標係買衫，

本來都好似冇咩野買，

之後我就買左兩個幾靚既髮圈($30)，但係都冇衫買。

  之後入左一間靜係買黑、白、灰三隻色既店，

終於買倒件衫，好靚架！

係灰色同黑色架！同埋件衫有得攬Bell，

好好架！都係$55，加姐0個件就$65。

跟住我地去左食野，一杯野飲都係$6咋！

  然後我就去左玩金魚，跟住我地就去左新都會行。

  我地去左買野食，本來原價係$47架，

但係0個個人只係收左我地$33咋！

好飽呀！

0個度D野好貴，又唔好，所以都冇買野。

我地就番屋企喇！

  今日，我用左一百一十幾蚊呀！

不過，都有收獲，唔係得個食！:p

  今日係加姐生日啊！

生日快樂！Happy Birthday!!!!!!

  今朝早加姐喊啊！

我同佢傾傾下計佢就喊，

好驚啊！D人唔知仲以為我整喊佢！T_T

  另外，今日派卷，派左三份，

中文(語文運用)、數學同埋I.S.

  我中文今次進步左，同全級最高分既，

差兩分，我78分，比上次進步好多！: )

  數學呢，我就88分，我中二第一次低分過加姐！

算啦！見佢生日就俾下面佢啦！

  到I.S，最高分就係Oscar—83分，

我就76.5，本來呀，我全班第三架！

但係o個個Alan狂係度加分，加左成四、五分！

佢仲話有得加！搞到我變左第四名啊！

  真係黑人憎，我話阿sir啊！

點解佢成日改錯其他人D卷，

我呢就冇，人地個個都有得加分，

我就冇！！！

  今日終於考完曬試喇！

所以我地今日成班女仔一齊去旺角玩！

其實都係去食下野同行下信和。

  加姐佢地係信和就係睇飛輪海，

我等佢地既時候就見到有間有戒指賣，

好靚架！

不過買完之後帶帶下佢就爛左！

好慘！！！！！！

不過我估用AA膠應該整得好掛！

  跟住我地去左食Ireland's Potato，

一個薯條$32，但係我地8個人一齊share，

買3個味，我只要出$8就可以食3種味！

再加多$14，就可以飲杯好飽既薄荷奶茶！

  今日去食團年飯，

好好多野食，就黎嘔！

  今日，見到我二表哥，

佢好型啊！雖然帶左眼鏡，但係都好型啊！

算啦！我開始發巔啦！唔講啦！