今朝９點幾起身

咁我就一定係開電腦玩啦

跟住工人又煮左野俾我食

去到１０點幾　當我想溫書果陣

我老豆打電話俾我叫我去飲茶

本來我都唔係好想去ｇａ

不過我呀嫲叫我落下街

咁我就落左去飲茶啦

１２點到啦　我地飲完茶　

就去左新港城行下

我，細佬，表弟，老豆，呀嫲同埋我堂呀哥

就行左好耐呀　我地行到１點幾先番屋企呀

表弟，呀嫲同埋我堂呀哥都上左我屋企呀

今日我都無點溫書呀

我係去到晚上　我先溫左一陣呀

今日係咁多先啦　ｂｙｅ　

今朝１０點幾去左溫書

本來我諗住去圖書館溫

點知要好多人　要排隊呀

我就去左我屋企樓下既會所溫啦

我溫到１２點幾　我就走人啦

跟住我去左商場行左一陣

之後我就番屋企啦　番到屋企

我就繼續溫中文啦　

不過我都係溫左一陣呀　

溫無一陣我就無溫啦

過左幾個鍾頭　我就背中史問答

不過都係背左兩條呀

６點幾我就訓左一陣

７點幾就食飯　跟住到而家都無溫書啦

呀！仲有　今日係劉昭誼生日

我係度同佢講聲：

〝生日快樂〞

今日ａｒｔ堂要畫素描

不過我一早係屋企已經畫好左啦

跟住科學堂就係咁抄ｎｏｔｅｓ呀

我真係好驚今次考試呀

英文堂勁勁勁無聊呀

果個呀ｓｉｒ都唔知係唔係唔識教書呀

ｌｕｎｃｈ我去左考ｏｒａｌ呀

中文堂又俾人鬧啦　無左成大半堂呀

普通話堂　呀ｓｉｒ遲左勁多先黎呀

我既口試竟然有２８分呀　好開心呀

音樂要考試呀　都ｏｋ啦　

不過我知道左我已經錯左一條啦　

放學我去左２Ｂ補課呀

又係補科學呀　４點幾就走人啦

今日係咁多先啦　ｂｙｅ

今日第一堂係中史

就要小測啦　不過都ｏｋ啦

我唔洗罰抄已經好好啦

去到科學堂　又係小測呀

不過啲題目有啲難呀

所以唔係好高分呀

ｌｕｎｃｈ我同劉昭誼出左去食呀

我地有講有笑　真係好開心呀

不過開心真係係一瞬間呀

好快就會消失ｇａ啦

上數學堂雖然有啲無聊

不過今日我同隔離個個玩英文接龍

我地玩到好開心呀

放學我去左買禮物　因為劉昭誼

後日就生日啦　我聽日提早送俾佢呀

番到屋企我就做功課啦

今日我無咩溫書呀　我就黎溫到瘋啦

聽日就係最後一日啦

過埋聽日就真係考試黎啦

唉！都唔知點呀　係咁啦　ｂｙｅ

我有好幾日都無打日記啦

今日第一堂係圖書課呀

我地去左１１７ｃ呀

又係好無聊既一堂啦

跟住通識堂　我好俾心機上堂呀

我真係好驚今次考試唔掂呀

又好驚追唔番啲成績呀

ｌｕｎｃｈ我都係照舊啦

我堂呀哥竟然仲早過我考試呀

不過佢間學校都無ｔｅｓｔ

全年都係得兩次考試　真係好呀

今次考試我已經早左好多溫書啦

不過都唔知會唔會成功呀

閱讀課個陣　ｍｉｓｓ　ｌａｕ同我地講

我地班有個人　因為壓力太大

溫書溫到喊呀　唉！我聽到個陣

有少少驚訝　不過如果係我呀

我可能都會喊呀　不過我無迫得我自己太緊

我有時溫溫下　就會玩下電腦

又可能係彈下琴呀　我溫書都溫到好ｒｅｌａｘ呀

睇黎我真係要努力啲先得呀　係咁　ｂｙｅ