今日考歷史呀

今朝我就係咁溫問答

因為我真係溫到好唔熟呀

雖然我有睇過幾次ｄ工作紙

但係我一啲都唔明白

去到考果陣　選擇已經有啲唔識

做到填充題個陣

差唔多全部都唔識呀

咁我就做左問答同埋歷史資料题

淨係呢兩ｐａｒｔ都寫到我手軟呀

最後我用左好多時間諗填充同埋選擇

不過我又知道我有幾條錯左啦

考埋聽日就考哂啦

聽日考通識呀　我今日都無咩溫過書呀

今日又９：３０就放學

我係屋企悶到死呀

聽日我會番小學呀

我都好耐無番去啦　好期待呀

今日係咁多先啦　ｂｙｅ

今日考科學同埋電腦

兩科都ｏｋ啦

科學今次一定唔會好似上次咁低分

但係電腦我就唔夠膽包保啦

今次我無咩溫過呀

份試卷好多都係問答

問埋一啲好深入既問題

有啲唔識既　我就全部作既

今次電腦都唔方會高分呀

放學我就番屋企

我都無咩溫過書呀

我去到４點幾先開始溫

跟住７點幾又去左恆安食飯呀

今晚係食火鍋呀　掂呀！

不過我都有係恆安溫問答

１０點我就走人啦

１０點１５就番到屋企

而家屋企好靜呀　一個人都無

就係得我一個人啦

聽日考ｈｉｓｔｏｒｙ　一定唔掂呀

我到而家都未溫熟呀

死啦！死啦！死啦！都唔知點算呀

唔理得咁多啦　死就死啦　ｂｙｅ

今日終於考數學啦　我最驚既一科呀

考卷一果陣　都ｏｋ啦

有啲唔算好難　但係又唔算簡單

到左考卷二先慘呀

有一條數係好多人都唔識既

但係我估計

第一份卷一定會比第二份高分呀

放學我去左交學琴既學費

今個月因為要升級

學費就一定會貴ｇａ啦

但係竟然要９００幾蚊呀

嘩！見到個數字都嚇死人呀

番到新港城　我就去左銀行入數

我竟然排隊排左１個鍾呀

聽日考科學呀　希望可以考好啲啦

仲有　聽日開始我就要過住一個人既生活啦

工人要番印尼　我細佬就去我呀嫲屋企住

而我就係一個人住啦　咩都係自己搞掂呀

食飯，早餐，洗衫仲之全部都係自己搞掂啦　

今日係咁多先啦　ｂｙｅ

今朝９點就起左身

咁我就一定會玩電腦ｇａ啦

之後１０點幾我就開始做

舊年份數學試卷　有ｄ就識

有ｄ就難到我要發脾氣

我做做下　我又去左練琴

我已經成兩個星期無學琴啦

等我考哂試　我一定要努力學番呀

２點幾我就落街買野食

今日我係ｙａｈｏｏ　ｂｉｄ野呀

係一條熊仔頸鍊　好令呀

去到晚上　我又繼續背ｈｉｓｔｏｒｙ既問答

而家我差一條就背哂啦

聽日我一定要俾心機呀

我真係唔想數學考得唔好呀

今日係咁先啦　ｂｙｅ

今日朝早我就一直係屋企玩電腦

去到２點幾　我就落街行下

點知我番到屋企後　之後我又去左沙田

去到沙田之後　我就去左行書局

跟住我又去左好運　

我係好運買左一件褸

平平地　８０蚊　ｏｋ啦

我又有去沙田中心行下

我想買袋呀　番到新港城之後

我就去啲袋舖　諗住睇下有無袋買

點知全部都唔啱呀

不過我係馬鞍山廣埸一間衫舖

見到有兩個幾好睇既袋

我就係咁試揹　睇下邊個啱我

不過我又心大心細　都唔知點好呀

因為一個就短ｄ同埋闊ｄ

一個呢就長ｄ　同埋顏色鮮ｄ

個間舖既老闆娘真係好好人呀

最後我就買左長ｄ個個　

我仲買左一條皮帶　因為

我新買既個條牛仔褲真係好鬆呀

兩樣野都係７４蚊　抵呀！

雖然今日買啲好平　但係我已經心滿意足啦

今日係咁先啦　ｂｙｅ