唉！今日派左三份試卷

就係電腦，中文同埋英文啦

唉！都唔係好理想呀　特別係英文

我都未試過咁低呀　

中文同埋電腦都第ｏｋ啦　唔錯ｇａ啦！

不過入左Ｓ班　我真係有啲後悔呀　

個個都好勁呀　早知我就唔考咁好啦

真係自己攞黎衰呀　而家我要靠其他科拉番啲分呀

希望聽日會ｏｋ啦　今日第一堂就係英文

一派左份試卷　我簡直係情緒低落呀

個個就係咁問我英文幾多分　我真係好無奈呀

個個都有９０幾分　有啲人仲有１１０幾分

Ｓ班真係好勁呀　同我係Ｂ班個陣

差太多啦　我真係唔敢想像呀　係咁先啦　８８

呢幾日我睇好幾套日劇

我發覺日劇既特點就係好多都講學校生活

但係又會講出好多道理

我真係從中都學左唔少野呀

呢幾個星期　我已經睇左４套戲啦

每一套都好好睇　睇哂一集　就好想繼續睇落去

呢個就係日劇吸引我既地方啦　唔錯！唔錯！

今日我大部分時間都係係屋企

我今朝１０點幾就食飯

到到４點幾我就去左餐廳食飯

我又去左實惠買左一個熨斗　＄９９炸　好平呀

今日我又係過住一個人既生活

好多人會覺得好悶　但係對我黎講已經好充實啦

大家留下言啦　係咁　８８

今日我去左沙田攞野　攞左我又週圍行下

我去左大眾　諗住睇下有無書或者ＣＤ可以買

不過我都係睇唔啱心水呀　我係沙田逗留左個幾鍾到啦

點知我去搭火車個陣　我又搭左去羅湖既方向

我係第三次搭錯車啦　我去到火炭

我即刻落車　去番尖東個邊

我搭過咁多次都係搭錯　其實我唔係笨

我只係一邊聽ｍｐ３　一邊唔知係度諗啲咩

搞到我經常搭錯車呀　真係煩呀

本來今晚我呀嫲話會黎我屋企同我一齊食飯

點知都係無黎到呀　呢兩日都係我自己一個人食飯呀

我工人放假　細佬又番左大陸

得我一個人係屋企炸　不過我都係由朝到晚

都係對住部電腦ｇａ啦　今日係咁先啦　８８

今日我１１點幾就番左學校

要學ＪＥＺＺ呀　不過我覺得好無聊呀

早知我就唔報啦　咁悶既

我去恆安果陣　先知我今日唔記得左帶手機呀

學完ＪＥＺＺ　我就去學琴

今日ＭＩＳＳ教既個啲歌　我都好鍾意呀

所以我今日學琴果陣好精神呀

學完琴之後　我上左我呀嫲屋企

不過佢唔係屋企　得我呀哥係屋企

我就食水果　同埋睇電視　我一打開電視　

就係體操比賽呀　中國好勁呀　男女子都係攞冠軍

女子仲要１３年無攞過呀　勁呀！

我番到屋企　我呀叔要搬屋呀

而家佢間房空哂　好似話俾我細佬喎

咁就好啦　我以後可以唔洗同我細佬一間房

我呀叔搬走左　以後啲數學都唔知邊個教我好呀

而家我係度睇緊戲　不過我都有啲悶呀　

請大家留言 因為我想知邊個黎睇過我既日記呀

 多謝! 好啦　係咁　８８

今日終於考哂試啦 不過今日考中史,普通話同埋電腦

考中史果陣 我差啲就唔夠時間做呀

不過我有１，２條係亂做既　不過都好過無做呀

我地班有好多人都做唔哂呀　個個都好趕呀

反而考電腦果陣　份卷好簡單呀　好快就做哂啦

又唔見中史考簡單啲　唉！　普通話都係一般般

我又差啲就唔夠時間做呀　我無ｃｈｅｃｋ到卷

我都係唔夠時間ｃｈｅｃｋ　當我啱啱做好

就要收卷啦　時間真係無多呀

今日放學果陣　我同劉昭誼去左ｍ記食野

因為佢仲要番學校學跳舞　本來我今日都要ｓｈｏｗｃａｓｅ

不過我無番到呀　要特登２點鍾番去

本來我都想去　不過我呢幾日溫書溫到好累呀

想休息一下　所以我無去啦　番到屋企　

我練左一陣琴　之後我攞左飛輪海隻碟

擺左係ＨＩ－ＦＬＹ果度聽　我竟然聽聽下訓著左　

今日雖然考哂試　不過我都無街出呀　今日係咁啦　拜