仲有４日就要學測啦

有好多人一早就開始溫書

好似我咁既懶人

就梗係睇都未睇過啦

今次我真係超無心機溫呀

見到啲書都已經想死啦

日日都有３個小測

就只係溫小測既野

都無時間溫考試既野啦

中文，數學同埋中史係經常有小測

日日番到屋企除左要做功課之外

仲要溫小測　我就只能靠星期六，日溫

不過講真個句呀

邊有人想連星期六，日都溫書ｇａ

個個梗係都想放鬆下啦

總之一句講到尾：我就唔想溫書呀

開朗？

接受死亡？

我好唔想考試呀

搵人救下我呀！

我仲唔想溫書呀

今日我去左比賽

去到之後等左好耐先點名

點完名又等左超耐先比賽

我仲要係第四個　個陣超緊張呀

點知最後我都係彈錯左兩個音

不過好彩評判唔計音啫

今次個評判係紐約人　不過佢好似中國人呀

佢只係計節奏同埋大細聲

佢俾我既評語就係大細聲唔錯

節奏剛剛好　不過可以仲好

同埋最後一句就係：有好既準備

我只差幾分就有名次啦

我得８２分　第三名係８５分

冠軍係８７分　前年我又係差１分就有名次

今次都係咁呀　今日我仲識左一個青年會既ｆ．１學生

我地都傾得好埋呀　今日我係日記換左個背景音樂

其實我一直都有擺背景音樂

不過有ｄ人可能唔知　我會幾星期換一首

大家俾啲意見啦　係咁先啦　ｂｙｅ

今日ｌｕｎｃｈ個陣收到一張通告

原來係校際音樂節既通知書

點知我望真啲個陣　

個日期寫住「３月９日」

當時我真係好嬲呀　聽日就比賽啦

今日先同我講　未免太遲啦

我一啲心理準備都無呀

個一刻我真係好唔想去比呀

我仲愈講愈激動　差啲就喊啦

個陣我真係好嬲呀　點解可以咁遲先同我講

番到屋企之後　我就不斷咁練琴

而家我真係好唔想去比呀

不過都無辦法啦　學校都有俾錢

唔去好似有啲唔好呀　係咁先啦　ｂｙｅ