今日終於番學啦 雖然我好唔想番學

但總好比係屋企無野做啦

我真係頂唔順啦 我隔離果個真係好煩呀

佢都講唔停既 我想搵一分鐘安靜都無呀

佢真係唔洗聽書ｇａ　上堂個陣

就不斷咁講不斷咁講　真係煩到不得了呀

死啦！我最驚既學測就黎啦

我都仲未溫書呀　點解我地學校咁多考試ｇａ

好似我呀哥間學校咁呀　

一年先得兩次考試　真係ｒｅｌａｘ到不得了呀

今日上音樂堂既時候　我因為無聊

所以傳變紙仔俾劉昭誼

點知當劉昭誼想傳番俾我個陣

個死人＠＊（％竟然睇我地張紙仔

佢真係好無品呀　本來我都覺得傳俾佢應該無咩野

睇黎我錯啦　我真係睇錯人啦

今日係ｓｐｏｒｔ　ｄａｙ既最後一日

雖然今日我有比賽　但係最終都係無牌攞呀

因為我只得第五名　不過呢個名次已經好過上次啦

進步左兩名啦　都好過無呀　下年再努力

聽日放假　又唔洗番學　我諗我聽日全日都會係屋企

因為呢幾日真係累到不得了

無一日可以好好咁訓一晚呀

好似琴晚咁呀　我明明１０點就已經上床訓覺

點知我訓黎訓去　係張床滾左４０幾分鐘

都仲未訓呀　你話誇唔誇張呀

聽日我都係做功課同埋溫書啦

因為之後都有好多小測呀　我要準備一下呀

今日我細佬竟然出水痘呀　我仲以為佢一早出左添

咁樣佢又可以唔洗番學啦　真好呀

好彩我細細個已經出左　如果唔係就麻煩啦

呢兩日我真係好累呀

琴日係ｓｐｏｒｔ　ｄａｙ

全個上午我係坐係度睇比賽

一直去到下午我先有比賽

以我咁既體育細胞就梗係無獎攞啦

不過我都只係玩下啫

係星期一我仲會有比賽

不過都唔方好ｇａ啦

琴晚我係９：３０就訓啦

因為真係實在太累啦

今日係家教會十週年

我一早（８：４５）就番左學校練習

今日我都唔知點解呀

我竟然記得啲舞步呀　真係謝天謝地呀

我地練舞練左超多個鐘呀

好辛苦呀　就算我記得舞步都無用啦

以我咁既神經細胞　都唔方會跳得好呀

今日仲要化妝呀　真係殺左我算啦

過左星期一後　就證明測驗真係黎啦

下個星期都有好多小測呀

頭先我睇左一本雜誌

佢話獅子座係今個月既學習方面麻麻

如果有學測的話　就一定要再三ｃｈｅｃｋ

搞到我而家我有啲驚唔知今次學測會點呀

今日無咩特別野發生

不過我都上黎打下日記啦

今日ｌｕｎｃｈ個陣　

ｍｉｓｓ　ｃｈａｎ叫我同埋劉昭誼

可以去３樓練舞　因為星期六要表演呀

我真係超唔想表演呀　因為好煩呀

之前我同ｍｉｓｓ　ｃｈｏｗ講話

我唔想再學跳舞　跟住佢竟然唔俾我唔學

佢逼我一定要學呀　我都不知幾想留係屋企呀

因為我勁唔想出街呀

ｌｕｎｃｈ個陣又調左位呀

今次我又係坐最後啦

不過ｌｅｅ個都唔係問題

問題係我隔離竟然係張燕明

佢真係好多野講呀　都唔停既

搞到我都無辦法專心上堂

我都唔同佢講野啦　佢都仲可以同

徐嘉榮繼續講　真係唔停ｇａ

放學個陣　劉昭誼同我講左一樣好好笑既野

佢話佢後面果個真係好煩呀

佢話係咁整佢　當時佢所講既形容詞真係好好笑呀

不過我都唔係好記得啦　

好似係．．．手腳唔協調等等之類

聽日就係ｓｐｏｒｔｓ　ｄａｙ啦

應該都會幾無聊下　不過我有參加比賽

一定唔會淨係坐係度　係咁啦　ｂｙｅ

我細佬係琴日朝早俾老師

打電話黎投訴 搞到我呀爸要去見老師

佢地番到黎　我細佬就係咁俾我呀爸鬧

而家搞到我細佬日日都要留堂

仲有，琴日佢既補習老師都打電話投訴

我呀爸同補習老師又傾左超耐

話我細佬講大話　又唔寫手冊

又成日欠交功課　仲俾人記左幾次缺點

唉！我點解會有個咁既細佬ｇａ？

我呀爸仲同我細佬講　如果再唔改善

一係就唔好讀　一係就番大陸讀

如果我細佬番大陸讀書的話

咁我一定會好開心呀　因為唔洗再對住佢呀

就係因為我細佬經常欠交功課

搞到ｌｅｅ兩日我係咁俾人〈哦〉

真係好煩呀　我根本就唔想理佢

而家我都唔理佢啦　由佢去死啦！

我呀爸成日話係因為屋企無大人

我細佬先會搞成咁　咁我係咩呀

自小我都係唔係同父母住ｇａ啦

我都係無人管呀　又唔見我係咁

我細佬都三年班啦　都唔細啦

成日話我大過佢　佢都９歲啦

仲唔識諗咩　真係無天理呀

以前我話要見家長　呀爸多數話唔得閒

而家我細佬只要一通電話

就馬上隨傳隨到呀　真係．．．唉！