人真係唔可信
講過既野都唔算數既
本來我好相信佢既
但係我講錯啦
無口齒既人我只好當佢係空氣
如果唔係我聽到某人講既一句說話
我都唔知我咁多野人地都知道
大家平時聽野個陣
記住要聽仔細d呀 好彩俾我聽到果句呀
如果唔係我可能俾人騙一世呀
我都唔明d人 點解做人要做到咁
承諾對一d人黎講好重要ga
點可以出爾反爾呀....
好彩我從來都唔講秘密俾人知
因為我從一開始就知道人係唔可信既
我記得好耐之前 有人同我講電話個陣
向我逼供 要我講某d野俾佢知
好彩我都無講到 搞到今時今日咁
係大家逼我咁做既 人地無論幾想知既野
你都一定唔可以話佢知
咪隨便人地點諗 我無咩所謂
現實就係咁ga啦 大家彼此彼此
總之一句講到尾:人真係唔可信既
今日先係考試既第三日呀
點解啲時間過咁耐既？
日日就晨咁早番左屋企
番到屋企又無野做
咁都無理溫書溫成日ga嗎..係咪先
番到屋企真係超級無聊呀
又無野做 我都想搵啲野黎做呀
練琴又彈黎彈去都係個幾首
好似今日咁 聽日考oral
我而家就真係無聊到發瘟呀
我都諗住溫中史
不過又無mood溫
我個心就得一句說話
就係:『唔緊要啦...又唔係聽日考遲啲先溫啦」
我由2點幾開始諗 個心就係咁話遲啲啦
點知到而家5點 我都仲未溫中史
我真係好勁呀..講一句說話
我竟然可以講咁耐都未做呀
考試既日子真係好難捱呀
成日流流長 都唔知做咩好呀....
大家約我出下街啦 真係好無聊呀.....
今日終於考試啦
我真係等左好耐呀
今日考歷史同埋電腦
歷史我真係超有信心一定會考得好呀
基本上我全部都識做
我仲覺得太簡單tim
不過我又知道錯左一條啦
咁就無左兩分...真係失望呀
講到電腦就真係無話可說呀
我全部都唔識做...全部都係亂填
唉！都係唔好提啦
考完去左德智班補課
不過都係個ｄ野啦 無咩特別
跟住同誼and莊去左維園食飯
食完佢地又去左我屋企
今日我都無溫過書呀
不過聽日開始又要繼續搏殺呀
大家努力溫書啦 一齊攞個好成績吧 加油！
大家俾下面留下cm啦.....
後日就考試啦
話咁快又一個星期啦
我今個星期無咩點溫過書
我都係係咁倚睇下
我真係累壞了.......
我都好耐無試過搞到咁累呀
琴日補數我竟然補到想訓覺
我好想快啲考完試
快快趣趣考完 咁就一年啦
前排我係咁溫書
搞到俾我呀嫲同埋呀爸話
佢地話我太緊張 輕輕鬆鬆咁溫就得
咁就真係得個屁啦
今次我一定要考好啲
我唔想俾人睇死 考好啲
個暑假都過得開心啲啦
我想係某幾科攞番個位數(名次)
特別係history,今次我一定同佢死過呀.....
03/06
今日溫左西史同埋中史問答
我都溫到唔想溫啦
我覺得個腦好d塞左
4點同誼去左游水 都幾好玩呀
都好耐無游啦 不過游下都好既
唔洗淨係望住d書 今日係咁多..無野好講
仲有5日就考試啦
琴日同今日我都瘋狂溫書
我都唔係好記得琴日溫左咩啦
今朝一起身睇左陣電腦
10點幾就練琴 練到11點到啦
跟住就開始溫書
朝早溫左西史 學完琴番到屋企
我都仲未開始溫書既
逗左一陣 之後溫左西史，中史，英文
睇左下中文同埋地理
西史今次一定no problem呀
中史就背左幾條問答同埋睇左下
英文vocab就已經背哂啦
我都係第一次一日裡面溫咁多野
我個腦都唔知咩構造 點解可以記咁多野
考試真係令人心煩呀 每日既時間過得鬼咁快
考試不知不覺就黎啦.....各位:
大家一齊努力 一齊攞到一個好成績呀...加油加油加油!!
