今日１２點就番左學校啦

去學個死人ｊａｚｚ

講起呢個真係好想屌人呀

枉我仲犧牲左個半鐘既個人時間

去學個咁既死人野　不過．．

自從今日之後　我梗加肯定我係超討厭跳舞呀

今日學舞個陣　個個都係度跳

得我一個好似碌木咁企係度

其實我真係好想認真咁學

但係過今日之後　我真係完完全全放棄呀

下堂我唔會再番呀　跳舞對我黎講真係太無聊啦

我無辦法再忍受落去呀　學完之後　

我即刻閃人　因為我唔想再留係個個鬼地方

多過一秒鐘呀　個度簡直係人間地獄呀

就係因為跳舞　搞到我學琴個陣都無心機呀

我明明練到好熟　點知俾跳舞搞到我好無心情呀

真係講到火都黎呀　今日係咁先啦

今日唔洗番學．．真好呀

下午個陣誼同埋莊黎左我屋企

跟住我地睇左一陣電腦

之後我地就去左我樓下既公園打羽毛球

不過都唔知有無打左５分鐘呀

我地又係咁影相．．真係影到夠呀

跟住我地就去左沙灘啦

今日真係超曬呀　我最最最唔鐘意就係曬啦

之後我地行左去一個類似碼頭既地方

我地又係咁影相　真係好似旅客呀

５點幾佢地就走左啦

今日真係玩得好開心呀　好放鬆呀

我ｐｏｓｔ左ｄ相上黎　大家可以去相簿睇下

大家都太虛偽了

放下虛偽的面具

迎接真實的未來吧！

今日終於派成績表啦

我竟然奇蹟地入左５０名呀（４３呀）

我ｆ．１到而家都未試過呀

今次我都好滿意

不過我打賭　我下次一定會退番

因為係我ｌｅｅ個人身上

從來都唔會見到有長久既事情

仲梗加唔會見到有奇蹟啦

我知道今次我身邊有好多人都唔係考得好好

我係度俾你地最大既支持

我地係考試既時候一齊加油啦

今日都係無聊既一日

無咩特別既事情

聽日有超多ｑｕｉｚ呀

通識要考考你　我只可以話低能

不過都無辦法　因為會計分

音樂又要ｔｅｓｔ　我諗住睇下算啦

仲有中文要默書＋背書

真係好多野要做呀

－－－－－－－－－－－－－－－－－－－－－－－－－－－－－－

大家知道心痛既感覺嗎？

好耐之前　我已經試過

但係當時我並唔知道個種感覺就係心痛

後來我係幾種情況下

都試過有呢種感覺　所以我就知道係心痛

呢排我個心好亂　永遠好似有數不盡既野等緊我

不過我自認呢排我好似真係開心左

但係我覺得唔會持久既

我感覺到我個腦就爆發啦

我希望可以快啲過多幾年

話唔定到時我就可以忘記以前好多

我一直以來忘記唔到既傷痛

我記得有一晚訓唔著　我就係咁諗野

點知我諗番以前既野

當時我覺得我係一個ｘｘ既人

搞到我好想ｘｘ　如果我失憶的話

可能咁樣會對我更好