今日朝７點幾就起左身

可能我已經慣左咁早起身啦

今日我係網上面睇《天使街２３號》

我睇左起碼有４個鍾以上呀

我已經睇到第４集啦

我應該好快就會睇完啦

今日我都無去邊呀

我只有落街買本書　跟住就一直係屋企啦

６點幾個陣　我睇睇下書訓著左呀

跟住就係７點幾起身食飯

頭先我番睇《宮》既大結局

其實我只係想喊　所以先至會番睇

不過ｌｅｅ套戲就真係幾好睇

無論佢既劇情係點

我既腦裡面只諗到一個字　就係《喊》

當時我真係哭成淚人呀

我都講過啦　一日唔喊　

我個心都覺得怪怪地呀　係咁先啦　ｂｙｅ　

今日開始放假啦

我又要諗下可以做啲咩呀

ｌｅｅ排我真係超唔想出街呀

今日我去左恆安

唔夠兩個鍾我就想番屋企啦

我仲竟然係恆安聽ｍｐ３個陣

聽到一首歌　我竟然想喊呀

今朝我睇哂《宮》啦

個大結局超催淚呀

喊到我死死下呀

ｌｅｅ排真係好想喊

唔喊就覺得個心怪怪地呀

仲有呀　好奇怪既一樣野

由今個星期一開始

我番到學校　開始上堂

我竟然可以由開始上第一堂諗到放學

我就係想快啲番屋企

我唔想再逗留係學校

我究竟點解會有ｌｅｅ個想法呢

我都從未試過呀　不過而家唔洗諗啦

因為我日日都會係屋企呀

今日６點到啦　我去左三聯

諗住睇下有咩書好睇

跟住我睇中左一本叫做《那小子真帥》

我本來諗住企係個度睇下本書好唔好睇

點知一企就企左個幾鍾呀

最後我都買左呀　不過番到屋企

我就係咁睇　所以而家我睇哂啦

我聽日會去買第二集

我係第一次買小說呀　真係一個罕見既情況呀

今日係情人節

祝各位情人節快樂　有情人終成眷屬

我係學校都收到好多朱古力

今年比舊年多左好多呀

頭先我呀爸又叫我番大陸

咁我就係唔想番呀

做咩就係要係咁問呢

係咁叫我番大陸

話要一家人食團年飯

咁你地番黎香港咪一樣食到

點解就係要我番去呢

我呀爸叫我番去就當係巡視業務

有咩好巡視ｇａ

我都無講過將來一定會去大陸發展

當時佢係咁問我

我本來就無諗過要番去大陸

去大陸咁無聊　番去做咩啫

個陣我又差啲要喊啦

都係唔講啦　愈講愈煩呀

仲有呀　我琴晚要訓覺個陣

唔知點解好想喊　個心好辛苦

之後我就滴左幾滴眼淚

咁就一覺訓天光啦　唔講啦　聽日繼續　ｂｙｅ

我今日係ｌｕｎｃｈ聽到一個天大奇聞呀

莊莊竟然．．．．佢既野我唔方便

係度同大家講啦　上次同你傾個陣

你都無同我講呀　莊，你真係好幸福呀

我好羡慕你呀　我都不知幾想呀

算吧啦！ｌｅｅ啲野無辦法強求ｇａ啦

聽日就係一年一度既情人節啦

當我越黎越大既時候　我就越害怕情人節

因為邊個會想自己一個人度過咁既節日呢

我睇每套戲　大部分劇中主角都會談戀愛

每次見到都好心傷呀

我個心從來無為任何人敞開過

就算有　我個口從來都係密不透封

從來都唔會同任何人講呀

好似小學咁　雖然有啲同學知道

但係我去到畢業既時候

我從來都未同果個人講過

我咩果個人３年　我都無講到呀

我唔似一啲人好大膽

敢同人表白　萬一人地唔咩你

個陣個心咪仲傷

所以我只會用心感受　唔會有任何行動的

今日係星期日

我諗有好多人一定想今日出下街

但係我今日竟然一步

都無踏出過屋企門口呀

而家都係晚上啦

我仲著緊琴晚訓覺既衫呀

雖然今日我呀爸，呀媽都係屋企

不過我呀爸一早就番左大陸

而我呀媽係就係有啲煩

不過佢都唔係好理我

ｌｅｅ排出街已經出到有啲厭啦

所以今日我就無落過街

其實過住一個人既生活

未嘗唔係一件好事呀

我記得之前聖誕　我屋企人

全部係大陸　我工人又放大假

全個屋企得番我一個人

個陣未放假　每日番學都要自己搞掂所有野

一日三餐都係自己搞掂

放假個陣　我堂二哥又同我一齊住

全屋企就得我地兩個人

我二哥竟然驚自己一個人

我都唔知有咩好怕呀

可能我真係好嚮往一個人既生活呀

因為我覺得一個人生活係好開心

唔會有人煩住哂　

今個新年我應該唔會番大陸

咁到時又得我同埋工人係屋企啦

諗到就開心啦