一朝早已經wing到喊

好難先企得穩

帶住口罩就急急腳爆去馬鐵站

真真正正 "前方仍然大霧" 啦
( callsrar 天梯)

帶住口罩,d熱氣猛咁噴向眼鏡

成眼濛晒

~ 終於番到學

一行入門

大大個閃閃 "動" 係到

念 慈唔係話佢唔係到架咩...

點解咁架 ( 狂哭 + 崩潰 ! )

早會,我頭暈個死樣咁樣衰都冇人理

咁都有架   ( 狂哭 + 崩潰 ! X2 )

係都比我坐下啦

重係好頭暈,伏低等上堂

CL
- 如常地hea過 -

中文
- 先派新note
  十幾頁 ( O_o )
  之後做番之前既說話
  真係超凍,冷風係咁係個門口入黎
  ~ 等
  終於到我啦
  有少少緊張,但都算ok既
  好啦,講晒啦
  老師又黎個比下意見
  老師話我講得唔錯
  重重複複係咁 "調理" 我
  i mean 佢話我講得好有調理
  第一次比人讚到好似比人講粗口咁 (汗) -

小息,冇啦啦借左陶瓷彈彈波黎玩

成班人都係咁玩,

照跟啦係咪先?

好好玩,打落黑枝,唔爛

撞落牆,唔爛,踩,唔爛,

咬,爛 ! 係你隻眼爛 !

成班人玩到好鬼嘈,

冇啦啦,有個校工黎到

入黎問做乜,

點都死口唔認啦諗住,

結果比人話,

我咪即該講囉 : 你學校d鋼筋唔好之ma,怪我地做咩姐!?  我心諗

真係冇講到出黎既,等佢走左,我就係度大嗌左出黎,

冇啦啦一本詠讚車左埋我塊面度 ( 痛 o_0 )

原來問人借野要有代價既

Math
- 超驚嚇,派選科表
  d科都唔算差既
  之後成堂係咁傾計 -

RE
- 呢堂正啦,笑死
  一開始,因為科長唔見左張表
  搞到唔知今堂要帶prayer
  之後都係上堂
  忽然間,坐前面既同學
  拉起窗簾,之後wu sir 叫佢 : 放手
  佢真係放到, " 啪 ! " 一野撞左落佢個頭
  嘩.. 笑到我抽呀咩事!    -

PE
- 自由活動,
  先玩數字球
  一班人係度玩,
  當初係幾得意既,
  重記得自己接到個波,
  跑三步,一個轉身再黎三分波
  一D大大力BAN左落人塊面度 ( 0_o )
  無心的, 之後, 到李永康接個波,
  接唔實,反彈.... 落塊面到,笑死
  之後都冇野玩,行行企企 -

放學,膠膠地咁去左文化博物館

星期三,遲左起身,

本來以為會遲到,

反而訓練左自己係廁所唔好DUM咁多時間

早會~ @ Hall

痴線,一黎播d操兵既片,

用意係乜?

驚我地唔識咩係操兵

之後又係乜野儀容,遲到過d

首先,我係最支持gel頭果班同學,

冇佢地係男廁吸d臭味

同時散番d髮泥味的話

男廁係有入冇出的

至於遲到果方面,

真係冇乜野講,

話晒自己假期前都係最後一分一秒先死到番學校

冇資格亂批評既

好好好,之係又係果幾樣野,

老師 : 同學唔好啪拖呀, 利多於弊呀 ...

講真,超煩 !

我開始懷疑所有老師都係愛情上有陰影,或者婚姻失敗

中史
- 話說今堂講到有班人保護鐵路既
  即時話到條白痴IQ題:
  " 拿,教讀書既係教師
    識法律既就係律師,
    咁... 保護鐵路既係咩...?
    ...
    ...
    ...
   保　路　師  (笑)    "     -

Eng
-  睇 歌聲鬼影
   對, 的確係,
   條片搞勁都播唔到
   一格格既
   快d播到啦,唔想上堂呀 ... 我心諗 
   但之後播到又搞到我好不安
   條片好得人驚
   果個鬼直頭係變態的 -

VA
- 略 -

Math
- 念慈今日講左句,
  我想聽好耐既一句話 :
  念 慈曰 : 秦sir唔係到 !
  幾開心呀一聽到,
  重要加埋今日lunh見到閃跑過馬路
  一條陳a老師都叫唔好跑過去既馬路
  重重要比我見到食完lunch有部救護車..
  唔通...?
  時間好快咁過
  歡樂既math堂就咁 hea 過左  -

OLE
- 正呀喂! 一冇左閃
  即時有戲睇 =)
  明日之後,睇過
  結果成堂係到寫歌詞,哈哈 -

放學,Plis ! 

勁眼訓,一朝早就係床到生蝦咁彈黎彈去

但為左可以習慣可以早起身

撐下撐又死到去馬鐵站

早會,落雨,課室見

Eng
- @ mmlc 
  作文,但掛住係到聽歌,
  搞到遲晒,
  冇左個小息 ( =[ )  -

中文
- 極眼訓,
  完全冇理到短講,
  諗好自己果個就訓啦 -

中史
- 呢堂清醒少少啦
  btw,呢堂格離果位李永康冇啦啦靠過黎
  嚇窒我,一野批埋去, 搞到佢個咀流血 
  十級驚嚇,同埋超嘔心 -

math
- 可愛教主念 慈同學, (笑)
  今日重解釋小學雞既數
  成班扮番小學生交戲囉,
  笑晒 ,btw 佢do咀個樣好嘔心 -

lunch,終於比我研究到班鐘意gel頭既人有咩用

佢地真係超有用架 !

佢地就係男廁既香薰

幫大家吸一吸廁所既臭味,

同時散發住髮泥既味

真係好偉大呀!

Bio
- 超悶 -

LS
- 分組,今次終於冇咁怕果班人
  但又係好多野都係我做
  班友又掛住傾計. -

又訓得6個鐘

一起身,再一個轉身射個三分波

就急急腳跑去馬鐵站

math
- 真心歡樂囉呢堂 -

Phy
- 呢堂完全冇帶野
  但都過到骨,
  重要有時間溫書 -

Eng x2
- 默書 (x_x)
  之後重要聽歌
  不得了啦,完全唔知唱乜 -

lunch,原來世界真係冇一分價錢,一分貨架

嗌左個香草屋最貴既飯

holly ! 打完格仔之後碟野同屎一梗一樣 (x_x)

中文 x2
- 略 -

放學,買野整art,

同李永康行左去博康,

好遠 (x_x)

踩踩踩...踩單車

較左8點半鬧鐘,

起左身,又訓番 !

印象中8點9好似起多次身,

但事實約左9點半,但9點半先起身...

遲到 ! 落住毛毛雨跑去馬鐵站

落車,急急急腳跑

見到誠同康係門口,揮住手

入到去,

租車!

去左間新既,有水送,看似唔錯

雖然貴些少

本來都重算正常

但租完先知...賴 野 !

開始大雨 (汗)

走了, 出 發 !!
 

本來重諗住去大埔,

未去到馬會條橋已經成身濕晒

算,改路 試下踩去沙田

但去到龍舟總會附近都支持唔住,

入涼亭避雨

整理下行裝先,再計畫過對策

抱怨緊成身都濕晒果陣,

康好爆咁講左句 : [ 月經都都要搵日好D架 ]

笑晒,是日金句啦擺明

好決定試下去搵地方買雨嬲

好啦,行啦

同行既得康同我

何誠留守睇車

由龍舟協會出發

行經好多大廈

四圍搵,再去到商業區

見到間一D都唔OK既OK...

因為冇開到 (汗)

走到去石門啦

石門條村,百佳搵唔到

Vango 都搵唔到

但何誠等左咁耐,

冇理由乜都帶唔到番係架

所以買左盒朱古力

雨到冇咁大啦,好! 再出發

個位都濕埋

診住雨少少,

有咁快得咁快踩去沙田

超快出到去

架車一路行,後面一路有水濺上塊面到

好麻煩 成身又濕過 ( x_x )

到左沙田,唔知去邊

己經冇晒方向感啦,

諗住係對岸 ( 文化博物館果度)

住果度回程

...

因為步行籌款,改路 (唉...)

之後冇啦啦去大圍,

見冇地方再去,折返

番番去城門河附近路邊剪髮鋪果度既十字路口

誠同康炒左車 ( 心知不妙)

搞左一大輪,重要整爛左muji筆一大技

結果宣佈失敗,整唔番

唯有推車

之後行經一個公園仔

真係體驗到流氓係點樣,

成身濕晒,係廁所用果個吹風機吹頭 (x_x)

救命! 算啦,又再起行

諗住試下搏一搏叫何誠坐81c,

等左十幾分鐘,失敗

誠決定試下坐馬鐵

我同李永康就咁踩番去

去到河伴,去搵雨嬲,

感謝主,搵到呀!

即時急不及等著住佢

感覺差好遠,正

但總係行幾步停下,

行幾部又停下

黎到避到雨既地方,次次都會停低

另一方面,收到誠電話

入唔到馬鐵,失敗左

再一直停下,踩下,

踩下,停下

就快番到去交車既時候,

真係頂唔順

即時諗起首歌 , 發現號 : 劃破了風衣　丟了救生衣　成全這最美歷險    逆光中進發　不甘安置到盲點　上路去再實踐

冇錯,件風嬲都差d爛晒

決定再支持落去 !

搞左一大輪,

番到去交車

竟然比何誠快過我地

可見踩得幾慢

龜兔賽跑 !?

最後,大家食左個波仔

行多陣,散 !