今日佢休息，晏晝我同媽咪食完野，我就去左銅鑼灣拎野，然後就join佢！

今日陪佢食完野後，我地響銅鑼灣行左一陣，佢就話搭車去西環探佢爸爸，我冇估過佢會帶我去睇佢爸爸，嗰一刻我真係好愕然同感動，雖然到最後都見唔到佢爸爸，因為佢爸爸入左醫院！但我依然覺得好 Sweet....

跟住我地再響付近食飯，今晚係我地第一次一齊食飯，種感覺好 warm，而且呢餐飯特別好食！或者呢餐飯之所以咁好食，係因為佢今晚嘅一句說話……

“女朋友”

一直以黎我都唔知我地嘅關係到底係乜，縱使佢會拖住我、攬住我甚至陪住我都好，我都唔夠膽諗到底我係佢邊個！我好怕我越諗得多，就越會失望！我好怕我越諗得多，就越容易失去佢！佢對我真係好重要……比我自己更加重要！

同佢過左平淡嘅一日，呢種日子我未試過！原來平淡嘅日子係咁開心，原來同自己鍾意嘅人響條街行，又或者坐樓梯口都一樣咁幸福！

今晚佢問我有冇諗過自己會幾時結婚？我答佢我冇諗過……其實我好想答佢，“我希望同佢一生一世！”但我知道根本冇可能！

因為我嘅希望，永遠只會係奢望！