一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：38514

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 14

累積人氣： 38514

2020 年 2 月 23 日星期日


	一切從蝴蝶酥開始

好耐好耐都冇寫過每日一篇喇～之前好怕寫親嘅都係我同佢嘅唔開心，但今日我好想寫，係因為我終於明白晒、搞清楚晒自己嘅感覺！

月頭嘅時候，我同家姐去咗日本一個星期，今次我冇同低能仔去，係因為我好想知道，我哋分開呢段時間，我哋會有幾掛住大家？有幾需要大家？嗰一個星期其實我知道一直都係我愛佢多過佢愛我～我亦有諗過我係咪應該放生佢呢？而我亦係咪已經唔再愛佢呢？

直到最近我哋之間出現多咗一個人，我諗我要好多謝呢個人，因為呢個人終於都將我搞清楚晒自己嘅感覺！當呢個人同我講低能仔有一晚揾佢，仲傾咗成個鐘電話時，我個心即時覺得好痛，或者因為低能仔對我隻字不提，我更加控制唔到自己亂諗嘢，甚至以前嘅一切都響腦裡面重播，我好怕好怕佢又將我從高處推落谷底～我知我一定會癲！我亦知我冇可能再原諒佢。。。同時我發現我原來仲好愛好愛佢！

呢幾日我睇番好多我哋以前嘅相，原來我哋已經越嚟越少合照，以前我哋兩個乜都影一餐，佢會攬得我好實去影，令我諗番嗰時真係好開心，諗番當初同佢經歷咗好多嘢先一齊！所以呢幾日我對佢癡身咗好多，我同佢出街嘅時候，我拖得佢好實、攬得佢好實，而佢亦對我好好，呢幾日我嘅笑容係我近呢幾年最多架！

低能仔，你記唔記得我今日問你，呢七年裡面有咩感覺？我想話你知，我覺得自己好幸運可以遇到你，係你令我知咩叫幸福，係你令我可以響你面前做番自己，亦係你令我咩都可以依賴你，甚至係你令我知咩係愛！

多謝你呀～我嘅餘生依然只想繼續跟你過！

分類: 我們的生活點滴

[ 訪客留言(0) ] [ 編輯日誌 ]

2019 年 6 月 20 日星期四


	半年後

今日成日個胃都唔舒服，冇乜胃口食嘢。。。搞到個人冇乜精神！

今晚準時收9點，我去咗揾啲人～食完嘢我哋搭車返去，不過有句說話我耿耿於懷，佢話我哋只係捱埋呢半年！其實自從佢媽件事之後，我真係好努力去做好呢個女朋友架！我真係好努力去做。。。我好想同佢一世，好想一世都煮飯佢食，好想一世都聽到佢叫我做老婆，或者越想就越驚～半年後會點。。。？半年後我又可以點。。。？半年後又係咪已經係一個答案。。。？

分類: 我們的生活點滴

[ 訪客留言(0) ] [ 編輯日誌 ]

2019 年 6 月 19 日星期三


	分開。。。

啲人9月就會同公司去台灣，其實我點會唔想跟佢去？之不過。。。

拍咗拖6年，呢6年裡面我每一日都唔想同佢分開，我好想癡住佢。。。但我發現可能由始至終得我先咁諗，或者係我愛佢，遠遠多過佢愛我！今次我冇扭佢帶埋我去，反而我由得佢自己去，雖然只係四日（但對我嚟講已經好耐）我好想知我哋分開呢四日裡面，我哋有幾掛住對方？又或者佢會唔會連四日都唔想同我分開？甚至我仲係佢當日 WhatsApp 所寫嘅 status 咁呢？you are my destiny....

其實諗到好快要分開四日，我個心已經好唔捨得，同好唔舒服喇。。。

分類: 我們的生活點滴

[ 訪客留言(0) ] [ 編輯日誌 ]

2019 年 6 月 11 日星期二


	放假喇

今日終於都放假喇！好攰好攰。。。瞓到十二點嘅時候醒咗，其實好想再瞓落去，不過我怕再瞓，我又唔知醒去買餸煮俾啲人食！所以夾硬起身～

今日我好俾心機煮啲人嘅飯盒三個飯盒都唔一樣，好想啲人食得出我嘅心機！我想佢知我唔係理所當然咁煮俾佢，因為我冇人工收架～所以先想佢更珍惜！

今晚等咗好耐啲人先返，我好掛住佢呀！我哋又係見咗一陣又走咗喇……低能仔，星期六爸爸叫你一齊返屋企食爸爸節飯，我哋韓燒呀！

分類: 我們的生活點滴

[ 訪客留言(0) ] [ 編輯日誌 ]

2019 年 6 月 10 日星期一


	安全感

終於都捱到第七日喇！成個人都好攰好攰～或者因為最近瞓得好差好差，不過。。。

尋晚啲人睇完我每日一篇之後，佢同我講：“你唔咁多嘢諗我都會開心啲”……我就唯有同佢講：“咁你都要俾番多啲安全感我喎！咁我就會乖架喇！”其實我真係覺得只有咁，我哋雙方嘅關係先會好，甚至可以更長久～同佢講完之後，我尋晚終於可以瞓一覺好，因為我相信今次應該會改變架！應該一切都會變好。。。

今晚收工過咗去接啲人收工，而啲人亦冇要我等，好快就落嚟揾我，今晚雖然都唔係好多嘢講，但佢做嘅嘢令我好有安全感！有時安全感真係唔係要物質上，只要用個心去對一個人，嗰個人真係會感覺得到～亦因為咁先可以令安全感持續落去！低能仔，多謝你😘

埋怨另一半沒情趣和再也不浪漫的時候，你有沒有反問自己是不是也一樣？歲月總會消磨當天的甜蜜與情意，誰又可以經年累月都熱情如火？人畢竟是要腳踏實地生活的；抱怨又有什麼用呢？你有沒有試著去創造一些情趣，去製造一些浪漫？愛情永遠都需要創造，只有這樣才能夠不老。

分類: 我們的生活點滴

[ 訪客留言(0) ] [ 編輯日誌 ]

1 | 2 | 3 | 4 | 5 | 6 | 7 | 8 | 9 | 10 | ... | 384 | »