一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34033

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 16

累積人氣： 34033

2019 年 1 月 5 日星期六


	。。。。

最近啲人要減肥，睇住啲人減肥減到面色好差，我其實覺得心痛，但無奈地佢根本唔聽人講，唉！！！

其實我最近安全感越嚟越小，望住佢好似要逼自己要最短時間變番以前咁，加上都係好少揾我，甚至我今日食飯打俾佢嘅時候，佢有啲唔耐煩，收工見到佢塊面又有啲化妝品閃粉響到，我真係越嚟越驚。。。我拖佢嘅力度亦越嚟越少！

低能仔，我真係唔知點算好！我好驚無咗你，我驚到由得自己同另一個男仔 msg ，就係分散自己眼中嘅注意力。。。我好想你知我有幾驚，幾愛你，幾怕冇咗你，甚至幾咁想會擔心會呷醋！

分類: 我們的生活點滴

[ 訪客留言(0) ] [ 編輯日誌 ]

2019 年 1 月 1 日星期二


	我們的第六個元旦

今日係2019年嘅第一日，其實我唔係過得好開心～

今日第到十二點幾啲人 whatsapp 我，我好開心覆完佢之後，佢又冇再揾我，我等咗個幾鐘之後，就打俾佢，原來佢瞓番，不過就約我三點響樓下等，我等咗好耐啲人又冇揾我、又唔見人，嗰一刻我有啲嬲嬲哋～因為每次都係要等，我真係有諗過走咗去！最後我再打俾佢，點知都係瞓番。。。我就繼續響樓下食風！

好唔容易先見到啲人，起初都好地地，但我發現啲人因為減肥已經出現好多問題，体力上、精神上，甚至情緒上都出現問題～作為一個真係愛佢嘅人，點會唔心痛？佢會覺得我唔想佢減肥係怕人哋搶走佢。。。但佢冇諗過佢嘅問題影響緊我哋之間，甚至我嘅情緒都俾佢牽動埋！我選擇唔再出聲，係因為我唔想因為我再講啲乜，而令佢又發皮氣，跟住我又唔開心！但佢根本就唔明白我有幾難過！

我忍咗好耐自己嘅皮氣，但望住佢又不停為咗啲二手嘢係咁睇電話，我真係有種衝動叫佢即刻返屋企睇，直到佢約埋人交收，我就更嬲。。。說好的補償呢？又話好好陪我嘅？點解由今日開始到最後都好似唔順利？依家佢已經冇乜點揾我，點解放假都一樣？

分類: 我們的生活點滴

[ 訪客留言(0) ] [ 編輯日誌 ]

2018 年 12 月 31 日星期一


	我們的第六個除夕

今日係2018年最後一日，拍拖咁多年，第一年除夕冇同啲人一齊過～好唔習慣，好想啲人攬住我。。。

今年唔算容易行，因為啲人嘅情緒都起伏不定，我亦因為咁而試過想離開佢，要面對住自己嘅壓力，佢嘅負面情緒，其實都真係好攰～但最後我都選擇留低，始終我愛嘅係呢個人，既然愛佢就要接受佢嘅全部，我唔可以響佢低潮嘅時候離開佢嘛！

我哋拍拖咁耐，每年都會去一次旅行，不過今年可以去咗3次旅行，兩次澳門。。。大阪旅行其實唔係好開心，不過之後嘅台北、澳門都好開心！可以同佢四圍玩，係我最開心嘅事～因為只有我哋離開香港，佢先會放鬆同開心！

不過今年最難接受係婆婆嘅事～今年佢出入醫院好多次，一次俾一次嚴重，到最後仲發現埋淋巴癌。。。我唔知佢有冇機會醫得好，我只知我要襯佢仲響到嘅時候，陪佢多啲、錫佢多啲！其實除咗佢，仲有阿嫲都係一樣～

至於2019”我希望我同低能仔都可以好幸福，可以有一個屬於自己嘅家！而婆婆、阿嫲都可以身體健康，我哋一家可以齊齊整整！

Bye Bye 2018

Welcome 2019

分類: 我們的生活點滴

[ 訪客留言(0) ] [ 編輯日誌 ]

2018 年 12 月 30 日星期日


	2018最後一個工作日

今日係2018年最後一個工作天，返埋今日就可以休息兩日～

今日好凍呀～起身嘅時候有啲辛苦，好想繼續響張床到唔郁。。。返到公司已經開始有嘢做，幸好趕得切收6點！

而啲人就去咗同事屋企，我就響旺角等佢～今晚我哋去咗食韓燒。。。食完就去咗行街，不過啲人要去交收，唯有我自己返去先～其實係有少少唔開心。。。

分類: 我們的生活點滴

[ 訪客留言(0) ] [ 編輯日誌 ]

2018 年 12 月 29 日星期六


	流感

好多日都冇每日一篇喇！唔知係咪呢段日子成日去醫院，個人攰得滯～最終搞到流感。。。呢幾日都好辛苦，嘢又食唔落，仲要係咁想嘔！

今日返早，我將啲客堆到好密，就係想早啲收工見到啲人～收工之後我已經散晒，我去咗銅鑼灣等啲人，我哋去食完花園之後，就去行咗一陣，今晚去濕平～又買爸爸啲嘢，又買低能仔嘅外套，仲買禮物添。。。雖然攰，但都過得好開心！

返埋聽日，我嘅2018年嘅工作正式完結！希望我2019年一切都順利，特別係同低能仔！

分類: 我們的生活點滴

[ 訪客留言(0) ] [ 編輯日誌 ]

« | 3 | 4 | 5 | 6 | 7 | 8 | 9 | 10 | 11 | 12 | ... | 384 | »