jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34133 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 4
累積人氣： 34133
RSS Feed
2018 年 11 月 25 日  星期日   晴天
發冷

 今日終於可以同啲人一齊放假，好開心。。。不過天氣唔好，又落雨又凍∼朝早同爸爸食完早餐，我就去買定餸返屋企，之後就扮靚靚同啲人去街街！不過今日成日都發冷。。。


今日我哋去咗旺角，不過唔係咁開心，坦白講，同佢食嘢�H時候，我雖然玩緊電話，但我個心一直諗緊嘢，因為我去買飯俾佢�H時候，我唔知佢想食邊樣？唔知佢指邊個？搞到佢好唔開心。。。所以我一直響到諗，點解搭車揀位會有壓力驚揀錯？點解食飯睇唔到佢指邊個會有壓力？點解佢每次唔出聲，我都會有壓力驚自己做錯嘢？呢堆說話我一直響個心到諗，點解好多嘢可以用口講，但點解每次都唔選擇講出嚟？到最後我做唔到佢心嗰樣嘢，佢就會唔開心，每次咁樣我都會覺得好難受，始終我唔係佢心裡面嗰條虫。。。

食完嘢行咗陣，我哋就去食花園餐廳，仲要啲人請我食添。。。今晚啲人要去幫男神影相，所以我自己返去先，點知啲人返到嚟揾我之後，又話要出去！原來啲人唔見咗我送俾佢嗰隻耳機，諗住出去揾返。。。當然我梗係唔想，又凍又落雨，我怕佢冷親，加上我唔想佢夜媽媽出去，嗰到又冇燈，我唔想佢有危險，身外物冇咗可以買番，但有咩事我就真係冇咗佢，我唔想咁。。。。我想佢知我俾任何人，甚至佢自己都更緊張佢！

分類: 我們的生活點滴
 [ 訪客留言(0) ] [ 編輯日誌 ]

2018 年 11 月 24 日  星期六   晴天
波波米亞
今日返早，又係好忙�H一日∼由十點開始做，做到兩點食個快飯，跟住又開工。。。眨吓眼就收工喇！

今日其實好攰好攰。。。個頭同周身都好痛！個人冇晒精神，不過可以見到啲人已經好開心∼今晚我哋去咗食美心，平時食海南雞飯有汁撈飯，我都會食晒！不過今晚我好冇胃口，我食咗三分一已經唔想食喇！食完嘢就去買飛同啲人去睇戲。。。

本來啲人見我咁攰，話聽日先去睇！不過我知啲人好想睇，就算幾攰都冇所謂。。。只要佢鍾意就得！套戲真係好好睇，原本我攰到想瞓，但最後都撐住睇埋去！

不過走�H時候，又係唔係幾開心！我唔知係咪我搭車又揀錯位，但嗰一刻樓下又冇位，樓上又得最後先可以同啲人一齊坐。。。。我只係想響我好攰同唔舒服�H時候，有佢響我身邊。。。或者佢就係佢所講�H藝術家皮氣😭

返到屋企爸爸摸我個頭先發現，原來我發燒，應該今朝返工�H時候冷親，依家連耳仔都痛！不過都仲未有得抖，因為要煮飯俾啲人。。。希望啲人鍾意個咖喱牛筋腩啦！ 


分類: 我們的生活點滴
 [ 訪客留言(0) ] [ 編輯日誌 ]

2018 年 11 月 23 日  星期五   晴天
依然。。。

 今日星期五喇！捱埋聽日就可以放兩日，咁星期日就可以痴住啲人一日喇，諗起就興奮！


有人今日都係返屋企先，不過有人應承我今晚唔會再掉低我，所以我一路返工一路心情都好好。。。好掛住佢，好想見到佢呀！

今晚收工之後，有人俾咗個 surprise 我，話響灣仔等我😍咁我哋就可以拍吓拖喇！今晚啲人帶我去食我最鍾意�H mos burgers �H雞塊，仲同我去759買嘢食添！

今晚我問啲人有冇後悔揀咗我？個傻佬話理性上冇後悔揀咗我，其實聽到呢句我覺得好安心，同時亦覺得好温暖∼因為我一生人最幸福、最幸運�H就係遇到佢……如果冇佢響我身邊，我呢幾年根本冇可能生活得咁開心咁幸福，假如重新揀多次，我依然會揀你，依然都會等你娶我！

分類: 我們的生活點滴
 [ 訪客留言(0) ] [ 編輯日誌 ]

2018 年 11 月 22 日  星期四   晴天
鄭中基

 今日好忙。。。忙住做嘢、忙住揾鄭中基演唱會！因為啲人好鍾意鄭中基，佢除咗林峯之外，最想就係睇鄭中基，我呢個白痴�H女朋友，梗係會盡量滿足啲人∼結果俾我買到年初二�H飛，我即時開心到話俾啲人知，而啲人第一次冇話我，仲要話巧鍾意添！


收工之後我趕去交收，啲人就返咗去先，有人叫我快啲返，我好掛住佢，嗱嗱臨趕返去∼我望住張演唱會飛幻想佢見到�H反應，點知隔咗十五分鐘之後，我就揾唔到佢。。。我企咗響佢屋企樓下食咗半個鐘頭風，就係想攬住佢，但都係等唔到☹

其實我唔開心，因為好多時佢收工返去，叫我返到嚟揾佢，我一係揾唔到佢，一係揾好耐先揾到佢！我明白佢都會攰，佢都想有私人時間，但有時我寧願佢一早話唔見，都唔想要等好耐。。。

分類: 我們的生活點滴
 [ 訪客留言(0) ] [ 編輯日誌 ]

2018 年 11 月 20 日  星期二   晴天
我們的66個月
今日返十二點，尋晚温書温到好夜，因為今日要考試，我一生人中最怕就係聽到考試呢兩個字，每次考試我都會好緊張同好大壓力。。。最衰係我夜晚温完，今朝一醒咗就唔記得晒∼

今日做完個客，我就叫主管俾我食飯先，等我可以温多陣！幸好考試一切順利，仲讚咗我一句表現出息😭😭😭考完試就到年終評估，主管話我對自己�H信心唔夠，因為我俾自己�H分數唔高，相反佢俾我�H分數就好高。。。兼且同我講升我職，其實我好開心架！因為我響美容呢行始終只係做咗一年仲係好新，所以親耳聽到主管講，感覺好特別∼而且好似一份肯定咁！

今晚8點有個客，做到9點幾先收工！諗住嗱嗱臨過灣仔接啲人，點知行到半路先知啲人原來響到後面，好 surprise 呀！因為佢少平日過嚟接我架∼啲人帶咗我去食吉野家，之後仲帶我買小丸子添😍啲人買俾我，我特別開心∼兼且覺得好幸福呀！老公，我好鍾意，多謝你咁錫我呀！

我們的66個月快樂！愛你∼ 


分類: 我們的生活點滴
 [ 訪客留言(0) ] [ 編輯日誌 ]


« | 8 | 9 | 10 | 11 | 12 | 13 | 14 | 15 | 16 | 17 | ... | 384 | »