一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34059

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

日誌訂閱

尚未訂閱任何日誌

[ 訂閱此日誌 ]

我的好友

我的連結

•

日誌統計

文章總數： 1919

留言總數： 87

今日人氣： 0

累積人氣： 34059

2018 年 12 月 13 日星期四


	愛得太遲

今日返早，返到公司就有嘢做，一做就做到收工，因為我要趕去睇婆婆！

原來生命真係好脆弱，平時看似冇乜特別嘢，只係有啲老人病。。。但背後可能埋伏住啲好嚴重嘅病！醫生話婆婆個肚可能有個腫瘤壓住膀胱，另外驗血嘅高血鈣問題，已經嘗試吊鹽水沖淡血液裡面鈣濃度，可惜唔太有效，懷疑係血癌或淋巴癌。。。。嗰一刻我個心真係好似停咗～而婆婆自己亦唔知發生咩事，我哋個個都呃住佢！

我好驚生離同死別！我明白係人必經嘅階段，但我真係唔想經歷，我真係好想佢睇到我結婚，我真係好想佢睇到我有bb，我真係好想佢陪住我，我真係好想。。。

錯失太易　愛得太遲

我怎想到　她忍不到那日子

盲目地發奮　忙忙忙從來未知

幸福會掠過　再也沒法說鍾意

愛一個字　也需要及時

只差一秒　心聲都已變歷史

為何未放肆　見我愛見的相知

要抱要吻要怎麼也好

不要相信一切有下次

分類: 我們的生活點滴

[ 訪客留言(0) ] [ 編輯日誌 ]

2018 年 12 月 12 日星期三


	好想。。。

眨吓眼假期就完結咗，響台北嗰幾日真係好開心、好放鬆～但返到香港之後，要面對嘅嘢又有好多，特別係婆婆入咗醫院！

今日婆婆照咗超聲波，發現個肚有陰影。。。即係高血鈣其中一個病徵！人真係好妙小，生命自己都控制唔到，婆婆真係老咗好多喇！今日我一路做嘢，一路諗番起由細到大同婆婆嘅生活，諗番起我整親雙眼睇唔到嘢時，係婆婆抱我去醫院！諗番起婆婆帶我飲茶、逼我食好多飯好多肉，每次個碗都滿晒！

婆婆，你快啲好番，你仲未睇我結婚，生bb架。。。我仲好想每逢放假都帶你去飲茶，我仲好想介紹低能仔俾你識架！

分類: 我們的生活點滴

[ 訪客留言(0) ] [ 編輯日誌 ]

2018 年 12 月 9 日星期日


	我的生日之旅@台北Day2

尋晚啲人又好夜瞓，瞓到成點先起身，醒咗我哋就去咗食啲人想食嘅牛扒，然後就去台北車站～

我哋留咗響台北車站一日，行吓地下街，食吓小食，一路行一路玩。。。呢種感覺好放鬆！啲人就夾嘢夾上身，乜都夾🤣🤣而我就跟住啲人一齊癲！

夜晚佢帶我去食咗餐好貴嘅日本嘢！我哋叫咗個二人餐，但點知份量太多。。。好似大胃王大賽！最終都食唔晒～不過真係好好味。。。我哋仲要飲埋老虎堂添！不過奶味太重，我飲咗一啖就冇飲，啲人逼住飲晒成杯🤣佢仲要冇黑我面，兼且仲好温柔咁對我，老公我呢兩日好開心！

分類: 我的生日之旅@台北201...

[ 訪客留言(0) ] [ 編輯日誌 ]

2018 年 12 月 7 日星期五


	我的生日之旅@台北Day1

今日係我生日，尋晚爸爸同家姐帶我去 outback慶祝～好開心爸爸同家姐都咁錫我！

今日啲人帶我去過一個不一樣的生日，頭五年佢都只係陪我簡單食餐飯，冇試過陪足我一日！但今年就陪足我4日。。。因為啲人帶我去台北！

我哋過到台北都成四點，搞埋 check in 之後，我哋返咗酒店，啲人尋晚冇瞓過，我就俾佢瞓一陣，瞓到成7點我哋就出咗去～

今晚我哋響西門町行吓、食吓嘢、夾吓公仔！原來生日係唔同啲，啲人對我好好、好温柔！明明自己攰，佢都依然對我笑，攬得我好實！呢種感覺真係好幸福～

低能仔，多謝你！呢個係我一生人中最特別嘅生日，因為有你陪住我～

分類: 我的生日之旅@台北201...

[ 訪客留言(0) ] [ 編輯日誌 ]

2018 年 12 月 6 日星期四


	捱埋聽日

今日星期三喇😭😭捱埋聽日就放假喇！所以我今日心情特別好～不過我知道放完假返嚟又要努力追工、追 product、同追療程，到時又要捱過喇！

今晚收工之後，我就去接啲人收工～我哋去咗食完嘢就去搭車返屋企，啲人今晚好攰，響車就瞓著咗，陰公豬，希望去到台灣你會好一啲，可以放鬆一啲，我哋可以開心一啲！

分類: 我們的生活點滴

[ 訪客留言(0) ] [ 編輯日誌 ]

« | 6 | 7 | 8 | 9 | 10 | 11 | 12 | 13 | 14 | 15 | ... | 384 | »