一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34145

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 16

累積人氣： 34145

2018 年 10 月 6 日星期六


	由這一分鐘？

今日返早，返到去就已經有嘢做，幸好有個 lunch頂住，咁我先可以抖一抖，唔使直踩到尾～

今日啲人放假，不過佢冇乜點揾我。。。我食飯嘅時候，打過電話俾佢，佢嘅語氣已經怪怪哋，我知有啲嘢應該發生咗，但又唔知係啲乜？結果我又心不在焉咁做嘢等收工。。

收工之後啲人嚟咗接我，佢又係嗰個冷冰冰嘅佢，我用盡方法氹佢，但都冇用！食完飯我哋都係去咗中環海滂，本來想靜吓，但啲大媽不停海闊天空，連唯一寧靜嘅地方都冇埋，我個人開始有啲煩躁～不過因為佢已經咁，我更加唔可以發皮氣，唯有忍！！

終於揾到個靜少少嘅地方，我捉埋佢一邊逼佢講究竟發生咩事？佢覺得自己好少會主動講心裡面嘅嘢，聽到呢到我有啲無奈，點解六年都嚟緊，佢都唔明我想要乜？我係想要分享、分擔同聆聽……女朋友嘅角色唔係陣係共浪漫、共富貴同共開心，而係你嘅喜、你嘅憂甚至貧窮都一齊面對，如果唔係點行一世？

最後令佢開心番嘅唔再係我，而係佢嘅夢。。。唱歌先令佢開心，街頭表演先令佢變番唔再冷冰冰嘅佢！

由這一分鐘，你一生真的只有我？

分類: 我們的生活點滴

[ 訪客留言(0) ] [ 編輯日誌 ]

2018 年 10 月 4 日星期四


	好想快啲去。。。

又係開工嘅一日，仲有幾耐先可以同啲人一齊玩？我好想痴住啲人呀～

啲人今日好忙，冇乜揾我。。。陰公豬，lunch 仲要食杯麵！其實我有內疚架。。。因為我煮唔到飯俾佢，搞到佢食啲冇益嘅嘢～以後都係點都煮俾啲人食，起碼肯定佢食得健康先！

收工之後我就去接啲人，今晚兩個都食唔晒啲嘢，但又走去食豪大大雞扒😂有人話因為我鍾意食，所以就叫俾我～等車嘅時候，我攬實啲人，啲人瘦咗呀😭雖然冇咁好攬，但起碼啲人會健康啲，而且亦証明咗我煮嘅嘢係有啲用先～幾辛苦都值得！

今晚有人話帶我去澳門睇蛋黃哥，雖然係即日來回，但只要同啲人一齊去影相就最開心～好想快啲去呀！

分類: 我們的生活點滴

[ 訪客留言(0) ] [ 編輯日誌 ]

2018 年 10 月 3 日星期三


	我可以不是。。

今日返早，真係好攰好攰～或者因為夜晚瞓得好差，！又係每隔一個鐘醒一次，所以就算瞓醒都好似冇瞓過咁～

今日又係好忙嘅一日，時間過得好漫長，陣係想快啲做完、快啲收工、快啲見到啲人～收工之後我去咗接啲人，不過啲人遲收工，我就等埋佢，食完嘢我哋行咗去揾藥俾爸爸，因為爸爸壓力大到瞓唔到，我就買咗啲減壓嘅 supplements 俾佢，希望佢可以好瞓啲～我都偷食咗一粒。。

之後我哋行多陣就搭車返屋企，今晚我都係攬住啲人攬得好實，只有攬實佢、聞到佢陣味，我就覺得好舒服、好放鬆～有人今晚返到嚟同我講，叫我返到屋企話佢知，我嗰一刻呆咗，佢冇試過咁緊張我，我個心真係好開心架！

我可以不是你第一個喜歡的人。

我可以不是你第一個擁抱的人。

我可以不是你第一個親吻的人。

我可以不是你第一個擁有的人，

我可以、可以、可以不是你的種種第一。

但是，我希望，

我可以是你遇到痛苦第一個想傾訴的人。

我可以是你遇到快樂第一個想分享的人。

我可以是你遇到挫折第一個想能依靠的人。

我可以是你今生以後第一個可以相伴的人。

我可以是陪你走到最後的那個人！

雖然有時我不懂你，但我會默默地愛著你，一直陪你走下去。

分類: 我們的生活點滴

[ 訪客留言(0) ] [ 編輯日誌 ]

2018 年 10 月 2 日星期二


	痛

假期話咁快又過咗，今日又要返工喇！返到去做咗個客就食飯！

其實我今日成日都好掛住啲人，或者因為我個胃同背脊又痛番，我特別掛住佢，想佢響我身邊～今日做嘢嘅時候，個腦成日都不停播住“不許你注定一人”同“那些你很冒險的夢”呢兩首歌～不停響到諗我哋以後會點呢？好驚最終會變成“昨遲人”……

今晚收工就過去接佢，我哋去咗食完嘢，就行咗一陣，有人想買玩具俾我，但我唔俾佢買，因為唔想佢使錢～但最後個傻佬買咗個蛋膠俾我做早餐，不過好貴呀！我自己一定唔捨得買俾自己食。。。低能仔，多謝你！

其實有人想聽啲人唱“那些你很冒險的夢”，因為係有人個心諗緊嘅嘢！

分類: 我們的生活點滴

[ 訪客留言(0) ] [ 編輯日誌 ]

2018 年 10 月 1 日星期一


	我們的國慶

今日係假期嘅最後一日，好唔捨得咁快又冇得痴住啲人～

啲人今朝叫我起身，因為啲人好想唱 K，但可惜出到去已經冇房，我有少少失望，唔係因為我冇得玩，而係因為我陪唔到啲人做佢想做嘅嘢！

今日食完嘢，我哋去咗 gogogo 。。。我好想啲人開心，最近佢嘅情緒、我哋嘅感情都唔係太好，我想佢開心，我想我哋可以一齊笑，我想我哋嘅假期過得 sweet！所以我願意為佢任何嘢，只係想換嚟一日嘅開心，我知我好傻，感情唔應該咁，但我唔知可以做啲乜？如果兩個人之間兩個都凡事太計較，我哋根本唔可能長久，與其係咁，我寧願做唔計較嗰個，雖然有時會好辛苦、好攰，但都唔緊要，因為我唔想呢段感情就咁就冇咗！

今日仲去咗睇戲，啲人想睇嘅戲～但睇戲前啲人見我頭痛，買咗止痛藥我食，我食咗就好眼瞓，睇睇吓我瞓著咗。。。不過可以攬住啲人已經好足夠！睇完戲我哋又去咗食泡芙同夾炸蝦尾，好開心！本來啲人諗住買張床俾我隻炸蝦尾，但我唔捨得佢俾錢，而我又要慳錢，所以最後都冇買！就連啲人話帶我韓燒，我都只係揀美心，不過我食得好開心，我不停扮食韓燒，其實咁都幾開心吖！

今晚我偷影咗佢一張相，係我眼中嘅世界，我嘅世界就係佢！你知嘛？我好鍾意呢張相，因為……

“遠距離的欣賞

近距離的迷惘

誰說太陽會找到月亮？”

分類: 我們的生活點滴

[ 訪客留言(0) ] [ 編輯日誌 ]

« | 16 | 17 | 18 | 19 | 20 | 21 | 22 | 23 | 24 | 25 | ... | 384 | »