一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34126

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 46

累積人氣： 34126

2018 年 8 月 16 日星期四


	有感而發

今日返一點。。。返到公司開完會就有客，做完一個之後就去食飯，我發現自己最近食嘢食小咗，好多時下晝食完個下午茶米粉之後，夜晚收工都唔係好願食！陣係想見到啲人～

今晚收工趕去銅鑼灣，但肥妹同佢男朋友嚟要俾啲嘢我，原來係一個 surprise ，佢哋今日去咗美食博覽，就係想揾小丸子俾我😭😭但限定套裝賣晒，佢就買咗小丸子即整月餅俾我，好感動！我梗係要同啲人分享啦～

見到啲人之後，我俾個月餅佢睇。。。開頭佢以為係男仔送俾我架！唔知佢會唔會呷醋？同個心唔舒服呢？我哋今晚陣係食咗月餅同豪大大雞扒，雖然唔係大魚大肉，但只要係同啲人一齊，我已經好滿足～有人話聽晚收工返屋企先，雖然唔捨得，但唔緊要啦！我都唔捨得佢攰。。。

情是什麼？這個問題很容易回答。愛是什麼？這個太難答了，一千個人一千個答案。你覺得愛是陪伴、愛是離不開；他覺得愛是為了支持對方追尋自己的夢想而甘願忍受孤單和寂寞。愛是什麼呢？誰又真的懂得？都是自以為懂得而已。（只是突然有感而發）

分類: 我們的生活點滴

[ 訪客留言(0) ] [ 編輯日誌 ]

2018 年 8 月 15 日星期三


	平平淡淡

今日返早，一早返到公司要頂前台一個鐘，不停咁落 booking 聽電話，忙到一頭煙，幸好主管十一點返工咋！咁我就可以安心接客。。。

今日臨返工前一直好忙，因為我想俾個 surprise 啲人，我就同佢講星期六要準時接我，我要帶佢去一個地方，點知有人傻到以為我逼婚😥帶佢去婚姻註冊處囉！！！一直都想唔講佢知，到嗰日帶佢去會展先俾佢知架。。。點知最後都要逼住講出嚟！我明知佢鍾意，但佢都叫我賣咗去～我有少少無奈！當然為咗令佢開心，我梗係彩佢都傻啦，哈哈。。。

驚喜原來一浪接一浪，竟然俾我同事幫我買到劉华演唱會😍其實我想同佢睇唔同演唱會，係因為佢鍾意唱歌、聽歌，只有影相、唱歌同聽歌先令佢開心！加上劉华我真心覺得值得睇，所以我更想同佢睇～

今晚收工返咗屋企煮飯俾啲人，啲人9點幾就返咗嚟陪我，我哋響屋企二人世界！啲人陪咗我一陣我就返去～其實我享受同佢好似今晚咁，我唔想我男朋友好出名，又或者係一個萬人迷，因為我只係想做一個小女人，要一個愛我嘅人，而唔係一個明星，我陣係想同佢簡簡單單、平平淡淡咁過一世就滿足！好想你會明白我。。。

分類: 我們的生活點滴

[ 訪客留言(0) ] [ 編輯日誌 ]

2018 年 8 月 14 日星期二


	風平浪靜

放完一日假，今日又返工喇！雖然返1點，但一諗到要10點先收工見到啲人，就有啲失落喇！

今日公司個個都掛住睇天氣，因為個個都想打8号風球，點知希望越大，當然失望都越大啦！個風最後都係唔知吹咗去邊😭😭只可以繼續努力做嘢，等到十點啦！

今晚收工之後就趕去銅鑼灣接啲人，點知啲人去咗按摩冇話我知，我其實鍾意佢乜都同我講架！我響佢樓下等咗陣先收到佢電話，因為太大雨我就去接埋佢。。。

今晚我哋食太興，途中有講起黃衣女。。。我知我塊面黑晒，因為我唔捨得冇咗佢！其實我唔係唔信佢，但呢個世界太多引誘，而且我更加唔信嗰個黃衣女！！我真係只想同佢風平浪靜咁一直到老！

分類: 我們的生活點滴

[ 訪客留言(0) ] [ 編輯日誌 ]

2018 年 8 月 13 日星期一


	Just Feeling

今日休息。。。尋晚成晚肚屙，到今朝8點幾先瞓，瞓到一點先醒！醒咗之後好掛住啲人，係真係好掛住好掛住，或者因為發咗一個好驚會發生嘅夢～

今日同媽咪出去食完嘢就去買餸，我嘅假期亦係煮飯中渡過，我諗應該話我嘅人生係為佢而轉，因為只要佢開心，我就開心！

有人應承我今晚早啲返嚟響屋企同我二人世界，佢9點幾就返到。。。上到去唔知點解覺得佢屋企又熟識，但又好陌生咁！或者因為自從我同佢各自返咗呢份工之後，我哋越嚟越少時間，每晚見面都係食個飯，就算我放假佢返工，佢都收好夜！根本連少少二人世界嘅時間都少之有少～

今晚我問佢可唔可以俾我睇佢同嗰個女人嘅對話？但佢唔肯，陣係話真係冇呃我～其實我好想睇係好想自己唔好再亂諗，佢哋唔會有曖昧嘅嘢，甚至我想自己知我男朋友一定唔會揾佢嘅時間多過我……

今晚當佢攬得我好實時，我忍唔住講咗點解我咁驚，係因為當初。。。其實仲有一樣嘢我冇話佢知，我咁驚係因為之前佢對我超差，令我覺得自己自欺欺人佢根本唔鍾意我，而同佢講分手時，嗰段時間佢哋已經有聯絡～

有人應承我，今年我生日考慮同我去台灣，我好開心架。。。因為我想同佢日對夜對，只係我生日係年尾，好驚個相士講嘅嘢會成真！

分類: 我們的生活點滴

[ 訪客留言(0) ] [ 編輯日誌 ]

2018 年 8 月 12 日星期日


	鄭重聲明

今日都係返早，都係冇食飯時間，不過好在做埋最後一個客已經6點，咁就可以準時6點收工喇！

收工之後見到啲人冇揾我，樓下又見唔到佢，打俾佢又冇聽，wtsp又冇覆，嗰一刻我好驚，真係好驚，我唔係驚佢約咗嗰個金童玉女，而係好驚佢會有啲咩意外，幸好佢咩事都冇，只係約咗佢男神買相機遲咗，仲帶埋佢男神請嘅珍珠奶茶過嚟！

今晚我哋去咗旺角，啲人除咗餵我飲珍珠奶茶外，仲好温柔咁對我，成晚拖到我好實同我行街，其實佢咁樣拖住我帶我睇佢鍾意嘅嘢，又會話我知佢睇嘅嘢係咩，仲會一齊討論（以前冇架……佢只顧自己睇咋）我會了解佢多咗，最起碼我知道每樣嘢有咩分別先啦！咁樣先可以有話題架嘛！

行咗一陣我哋就去食飯，今晚食韓燒。。。我知道好貴，但我見佢咁好就獎勵吓佢啦！其實係我為食，嘻嘻。。。有人今晚只係要我坐響到等食，全程燒俾我食，我見到佢咁專心咁整嘢俾我食嗰個樣，真係好 charm，我影低咗呢一刻～因為真係好幸福，仲特別好味添！低能仔，我好愛你！

今晚我整嬲咗啲人，啲人問我係咪驚佢唔娶我？我亦好坦白咁答佢係！其實佢響我心目中係完美，當初未識佢時，我見到佢個心已經好想呢個人可以俾到愛情同麵包我。。。加上佢真係太靚仔，而我就。。。我更加驚失去佢！我明白結婚都未必可以擔保到一世，不過如果問我呢幾年嘅夢想係乜？我只能講係嫁俾佢、同佢有自己嘅小朋友！因為我真係發“夢”都“想”……

如果人人愛說謊話

然而對愛伴差這樣好嗎

無奈偏偏百萬人愛聽笑話

如能愛我的話能長線發現嗎

誰用自己感動你垂頭為你牽掛

沉默是金愛是要一起

快樂至死身心都屬你

甜言和蜜語等於聽空氣

從來不愛說大道理從來心裡愛著你

生命完全贈你力竭筋疲才不空歡喜

如憑感覺伴我遠飛原來沒隔了十哩

遊蕩於這世上誰可相比窮也笑得淒美

再沒有言詞描述你最刻骨銘記

如果旁人對我躲避

仍難教我自卑若你已經不是你

才能令我捨棄

從來不愛說大道理從來心裡愛著你

生命完全贈你力竭筋疲才不空歡喜

如憑感覺伴我遠飛原來只有我共你

遊蕩失落天地誰可相比窮也笑得淒美

抱著已經不需說話才刻骨銘記

雙眼閉著期待你呼氣童話不會記起

分類: 我們的生活點滴

[ 訪客留言(0) ] [ 編輯日誌 ]

« | 26 | 27 | 28 | 29 | 30 | 31 | 32 | 33 | 34 | 35 | ... | 384 | »