一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34091

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 11

累積人氣： 34091

2018 年 7 月 19 日星期四


	第七日

今日終於第七日，呢個星期真係好攰。。。攰到冇朋友！幸好捱埋今日可以連放三日假～同時亦係開始連續三日都同啲人二人世界嘅開始！

今日連接四個客，超忙！！除咗食飯時間可以抖吓之外，就一直忙到收工！收工已經攰到冇晒力，嗱嗱臨返屋企，我知啲人一定冇咁早收工，所以我冇等佢自己食先，但就整定嘢等啲人返嚟食。。。不過一等就等到十一點半，我唔係嬲佢咁夜返，而係心痛佢每晚都係咁～

聽日就可以去澳門喇！好想同啲人開開心心咁過我們的62個月。。。

分類: 我們的生活點滴

[ 訪客留言(0) ] [ 編輯日誌 ]

2018 年 7 月 18 日星期三


	第六日

今日都係返十二點，返去接咗個客做咗兩個半鐘，個人都係覺得好攰！食完飯返去又開始忙過，一做就做到收工！幸好最後個客唔做按摩陣係做 facial ，我先可以準時收工。。。

收工就過去接啲人收工，我哋食完嘢好快就返咗屋企，不過啲人今晚好好（除咗話我嗰時）佢成晚都有氹我笑……我響車攬住佢瞓時，我覺得特別舒服，佢仲拎佢件外套俾我蓋住，種感覺真係好舒服！只要返埋聽日，我哋就可以一齊放假喇！😍

分類: 我們的生活點滴

[ 訪客留言(0) ] [ 編輯日誌 ]

2018 年 7 月 17 日星期二


	三號風球

今日係第五日，仲有兩日先可以同啲人一齊放假。。。好想快啲到嗰日呀！因為呢排啲人越嚟越少揾我，我成日都好掛住佢，好想見到佢會有佢嘅 wtsp ～

今晚收工落大雨，我嗱嗱臨趕去接啲人。。。不過今晚啲人不停講錢，我有啲唔開心～搞到我哋之間好似已經演變到得番個錢字冇其他！其實我依家咁努力咁接客，返去仲煮埋飯，我真係已經好攰，但我仲堅持無非都係為咗我哋嘅將來，坦白講返呢份工真係好攰，每日都不停按摩，今晚收工隻腳已經一路行一路痛喇！我只係希望我哋每晚見嗰小小時間裡面，都可以關心吓對方，好好相處同傾吓計，等大家都知無論遇到咩事，我哋都有對方響身邊支持自己一直到老！

分類: 我們的生活點滴

[ 訪客留言(0) ] [ 編輯日誌 ]

2018 年 7 月 15 日星期日


	橫風橫雨

又係返工嘅星期日，今日仲要橫風橫雨咁返工，唔知以為打緊風呀！自從尋晚淋濕咗之後，今日又發燒同喉嚨痛。。。。

今日唔算太忙，只係做兩個客，不過兩個客都做好耐，一個三個幾鐘，另一個兩個幾鐘。。。搞掂晒就等收工，好似幼稚園等人嚟接放學咁！

今晚啲人嚟接我放工，我哋去咗食南記，不過啲人好忙，又要玩相機，又要玩手機，冇乜時間理我。。。其實我都有少少唔開心，因為佢始終放咗兩日假，兩日都係佢嘅私人時間，我只係想佢夜晚可以專心陪吓我～最後我哋行咗一陣就返屋企！

分類: 我們的生活點滴

[ 訪客留言(0) ] [ 編輯日誌 ]

2018 年 7 月 14 日星期六


	嗲

今日又係超忙嘅一日，由返工開始做，做到6點先有時間停😫依然都係冇時間食飯，不過都好，咁就可以早一個鐘收工，又可以早啲見啲人。。。我真係好掛住佢！

啲人同佢媽咪又有衝突，佢同我講咗好多唔開心嘅嘢，佢好少會主動咁同我講咁多嘢，我冇覺得煩，反而覺得開心，佢終於願意同我 share 佢嘅嘢。。。有人同我講佢媽咪要佢一月搬，啲人話到時就即刻同我結婚，聽到真係好開心架！因為我想同啲人有一個家～

今晚同啲人去咗銅鑼灣行街食飯，我又扭啲人買耳環，啲人話帶我去買，我企咗響櫥窗到扮拎隻耳環叫啲人幫我帶🤣啲人又陪我一齊玩，玩完之後我都係冇買，拖住啲人就走咗喇！其實我覺得開心就係應該咁簡單～

啲人今日對我好温柔，或者因為佢媽咪返咗，佢就對我特別嗲，唔知將來我哋有自己嘅家時，佢會唔會都仲係咁嗲呢？

分類: 我們的生活點滴

[ 訪客留言(0) ] [ 編輯日誌 ]

« | 31 | 32 | 33 | 34 | 35 | 36 | 37 | 38 | 39 | 40 | ... | 384 | »