一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34098

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 18

累積人氣： 34098

2018 年 5 月 13 日星期日


	我們的媽媽節

今日係媽媽節，我一樣要返工、一樣要返早～不過今日有啲特別，因為啲人陪我夜晚同阿麻食媽媽節飯！

收工之後，我就諗住去搭車返香港仔，因為我今日叫啲人唔好過嚟接我，所以我一心諗住啲人冇出嚟，點知啲人出咗嚟接我，我已經好開心，但其實個人已經太攰，我等到佢嚟嘅時候，佢塊面又黑晒。。。我個心即時沉咗落嚟！因為我真係唔知佢想點。。。

今晚有佢同我一齊去食飯真係好開心，但啲人好似好悶，其實我好想每個節日都有佢陪我，我好想佢可以以我屋企人嘅身份同我出席屋企嘅活動。。。因為我真係好想佢真正成為我嘅屋企人！

食完飯同啲人行咗陣，一直我都以為佢唔鍾意S9+，因為佢之前死都唔肯俾我換，但原來唔係架。。。佢想將陪新電話換部S9+～但當初點解又唔俾我買😭😭

分類: 我們的生活點滴

[ 訪客留言(0) ] [ 編輯日誌 ]

2018 年 5 月 12 日星期六


	可唔可以？

今日都係返早，尋晚都係瞓得唔好，今朝個人好攰好攰。。。返到公司已經有客，做到十二點就嗱嗱臨食個快飯，跟住又開工，一直做到收工～

今晚啲人接我收工，我哋去咗銅鑼灣食飯，食完飯啲人就同我行一陣，其實我個人已經好攰，但有啲人響身邊我就覺得好滿足！但今晚發生咗一件好唔開心嘅事，因為我同啲人響樓下玩玩吓，佢突然發皮氣走咗返屋企，我呆咗企咗響樓下，直到我打俾佢佢又冇聽，跟住望住佢屋企開咗燈，嗰一刻我由唔開心變為嬲，我嬲到拎埋佢袋嘢上咗佢到，諗住掛響佢門口就走，點知佢嗰一刻咁啱佢又行出門口，我嬲到將袋嘢掉返俾佢就走。。。唔知點解今次我會嬲到咁，同佢拍拖咁耐，我真係冇試過嬲到咁，我嬲佢掉低我走咗，我嬲佢最近嘅情緒起伏好大，成日都發我皮氣。。。我嗰一刻真係已經有啲頂唔順😭你可唔可以唔好再係咁😭😭

分類: 我們的生活點滴

[ 訪客留言(0) ] [ 編輯日誌 ]

2018 年 5 月 11 日星期五


	化妝夢

今日返早，不過可以收早啲～因為係公司 Annual Dinner ，雖然今日得一個客，但都超忙，因為我要幫主管同埋其他同事化妝 set頭！幸好超額完成，5點可以準時收🤣

咁耐冇幫人化妝，難免會有啲緊張，加上尋晚冇瞓過，個化妝喼又重，個人攰上加攰！我發現自己一拎起支化妝掃，真正嘅自己好似返晒嚟咁～搞掂晒啲嘢之後，啲同事都好鍾意，我亦好感動！或者我根本冇放低過化妝呢個夢。。。

返到屋企個人已經散晒，本來唔想煮飯，但見啲人咁陰公豬，我就撐住煮飯等啲人返啦！但啲人好夜返，我哋見咗一陣就走喇。。。粉皮，我真係好掛住你！

分類: 我們的生活點滴

[ 訪客留言(0) ] [ 編輯日誌 ]

2018 年 5 月 10 日星期四


	餘下。。。七日

今日放假，放埋今日就要等一個星期先有假放，亦即係仲有一個星期我哋就五週年之旅😍台北我好掛住你呀！

今日我十點幾就醒咗，不過後尾再瞓番，瞓到成兩點先醒！醒咗就去買餸整嘢俾啲人今晚食，我知佢今晚又會夜返～

今晚啲人成十點先返到，我好掛住佢。。。因為佢今日冇乜點揾過我！但佢返到嚟就買咗嘢俾我食，仲有阿bob & tim添😍其實佢響我身邊唔黑面我已經好滿足架喇！

分類: 我們的生活點滴

[ 訪客留言(0) ] [ 編輯日誌 ]

2018 年 5 月 9 日星期三


	五週年禮物

今日返早。。。但真係好攰，返到公司不停中眼瞓，加上隻右眼又紅番，所以攰上加攰～

收工之後我趕去銅鑼灣，不過啲人原來已經收咗工。。。我嘅計畫又俾佢搞到不知所措，唯有話自己要去廁所，等佢企吓等我先～

過到銅鑼灣我即刻去百老匯，因為我要買我嘅五週年禮物～其實我已經睇咗好多日，今次我真係有做足功課架！我睇咗好耐夠竟買邊部電話，最後我決定買情侶機🤣佢買部note 8俾我，我又買番部一模一樣俾佢。。。我買完好開心去揾佢，我幻想中佢收到嗰一刻應該係好開心，甚至攬住我錫一啖，不過童話故事多數都呃人，佢不單止冇咁做，仲話咗我一大餐😭😭我即時眼淚係咁流！

喊完之後佢帶我去食魚生飯，又同我去睇復仇者聯盟。。。套戲好好睇，最緊要係有佢陪我睇，加上啲人今日心情好，佢收工時仲買咗好多嘢食俾我，好 surprise 呀！我好想佢呢個好心情可以一直 keep 住到我哋嘅五週年之旅！

分類: 我們的生活點滴

[ 訪客留言(0) ] [ 編輯日誌 ]

« | 41 | 42 | 43 | 44 | 45 | 46 | 47 | 48 | 49 | 50 | ... | 384 | »