一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34097

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 17

累積人氣： 34097

2018 年 5 月 8 日星期二


	頭痛

放完兩日假之後，今日又返工喇。。。

今日又係好早食飯，之後就開始上堂到6點就真正開工。。。其實今日返工好開心，因為 milky 落咗嚟同我上堂，諗番以前響荃灣嘅日子真係好，除咗可以返朝十晚六之外，仲冇咁大壓力！不過日子都已經過咗，人係要向前望！

今晚有個傻佬想俾驚喜我，諗住唔聲唔聲響我公司付近個地鐵站接我，點知我收工去咗搭地鐵之後先知道，搞到我遲咗見啲人😭😭雖然最後都接唔到我，但個傻佬真係好 sweet ，突然俾個驚喜我！或者因為佢好少會咁，所以我覺得特別珍貴～

今晚我哋兩個都好頭痛，所以我哋食完嘢就返去。。。不過聽日啲人都收早，我哋可以一齊去街街拍拖😍

分類: 我們的生活點滴

[ 訪客留言(0) ] [ 編輯日誌 ]

2018 年 5 月 7 日星期一


	一個人的假期

今日都係放假，連續放兩日假嘅感覺真係好似冇咁攰，可以真正咁抖吓！不過我老公豬要返工，我都係一個人的假期～但放假嘅時候總係過得特別快。。。

今日我瞓到十二點幾先醒，醒咗冇乜意欲出街，我就響屋企煲吓劇、煮吓飯俾啲人！不過啲人好夜返，我等到啲人成十一點幾。。。我好掛住啲人呀！啲人返嚟就即刻上嚟食飯，雖然只係陪咗我一陣，但見到佢我已經好滿足～

下個星期就去台灣喇！我好想同佢可以安安定定咁過我哋嘅五週年，可以好似第一年去旅行咁恩愛～

分類: 我們的生活點滴

[ 訪客留言(0) ] [ 編輯日誌 ]

2018 年 5 月 6 日星期日


	Happy Sunday

今日放假，尋晚好夜先瞓，今朝又好早起身同爸爸飲茶，跟住又同家姐去旺角，食咗藥之後，其實個人好攰。。。

行到三點幾，啲人就出嚟接我，我哋就去咗食一餐好豐富嘅下午茶，跟住我哋就去行街～不過啲人隻手唔係好舒服，心情唔多好！但我有体諒佢。。。

有人今日送咗部相機俾我，我想要好耐架！啲人仲 sweet 到買咗部同佢一樣嘅相機俾我，雖然唔同色，但佢話係情侶相機嚟架！好想去到台灣可以拎住部相機，同佢四周圍影相，咁就可以有多啲話題，有共同興趣！而我本來想買番對鞋俾佢，不過佢拖我走唔俾我買…其實為咗佢我做啲乜，付出啲乜都冇問題架！我只係想佢開心♡

今晚我哋冇一齊返屋企，因為佢要返婆婆到，佢想我陪佢去架！但我見我哋兩個都攰，我唔想佢同我都一齊黑面，最後搞到唔開心，所以我選擇不如各自各走，咁就唔使搞到破壞大家感情啦！我只係希望同佢繼續咁愛大家～當然有時都要氹吓我（唔係物質上嘅氹🤣）

分類: 我們的生活點滴

[ 訪客留言(0) ] [ 編輯日誌 ]

2018 年 5 月 5 日星期六


	任買。。。

今日返早。。。不過我今朝唔願起身，應該係食咗啲藥太攰～因為我平時好少會咁樣，我多數一聽到鬧鐘響就會自動起身！

今日返到公司又係一返工即食飯，之後就十一點開始做嘢做到七點收工！連揾啲人嘅時間都冇😭我好掛住啲人呀！收工之後我就落銅鑼灣揾啲人，一見到啲人我又忍唔住係咁嗲佢，啲人帶我去食米線，個傻佬見到落單嗰個侍應係靚女，就好乖咁將個頭自動擰去另一邊，全程叫嘢食時都冇望過個靚女，嗰一刻我個心真係覺得好Sweet～

食完嘢就同啲人去灣仔買嘢俾佢媽咪，我哋行過188時，我哋見到 coffee ，我即刻扮晒嘢問佢見唔見到🤣點知有人真係中計。。。我扮嬲咁搣佢耳仔！雖然我知佢都好無辜，但其實佢肯陪我玩，我真係已經覺得好開心同好滿足～我覺得拍拖係要咁樣笑住一齊傾計同玩，先叫真係相處同溝通！不過最後嘅代價係759任買。。。兩晚係我俾錢任買～唔緊要啦！鬼叫你呢兩晚都咁就我咩！

分類: 我們的生活點滴

[ 訪客留言(0) ] [ 編輯日誌 ]

2018 年 5 月 4 日星期五


	震驚

病咗兩日，今日終於都返工，其實仲未好返，喉嚨仲好痛兼且未退燒，所以返工嘅時候有啲辛苦！

今日有啲忙，本來收7點，但最後 OT 到730先收工，我就出銅鑼灣等啲人，啲人話8點收工，點知8點嚟接我上佢公司等佢😂其實今日佢做咗啲好 sweet，但又令我好震驚嘅事🤣個傻佬放咗我張相上IG，寫咗啲嘢好冧，不過就冇執過張相，超樣衰😭😭傻佬，其實我最想你放嘅係我同你嘅相上網😞

等完啲人我哋去咗食飯，之後行咗一陣就返去！其實兩日冇見過，我真係好想攬佢耐啲，嗲佢耐啲！

分類: 我們的生活點滴

[ 訪客留言(0) ] [ 編輯日誌 ]

« | 42 | 43 | 44 | 45 | 46 | 47 | 48 | 49 | 50 | 51 | ... | 384 | »