尋日瞓足一日，今日都仲未好，仲係咳同燒，但都撐住返工∼

今日好忙，忙到收工。。。幸好今日都開到單未算最慘，但距離三十萬都差好多，唔知有冇機會響旅行前可以跑到一半？

收工之後我就去銅鑼灣接啲人，今晚我哋食麥當奴，因為我冇乜胃口，陣係想食個魚柳包，啲人就就我去食！簡簡單單咁一餐就好滿足，反正今個星期日開始我哋就可以響大阪食餐勁😍 

今日都係返早，尋晚又係冇乜點瞓過，成個人都好似散晒咁，搞到唔係好願意起身，好想繼續瞓。。。

今日返到去已經有客，雖然好忙，但都係冇單開😞壓力越嚟越大，始終返多5日就放大假，好驚真係冇單開😞😞

今晚啲人嚟接我，不過我個頭真係好痛，應該係唔夠瞓，加上壓力大先咁，所以我冇乜胃口食嘢，陪啲人食完嘢之後，我哋行咗陣，佢就去交收，而我就自己返屋企！其實我想見佢耐啲∼ 

尋晚成晚都冇瞓過，壓力真係好大，成個人都抖唔到氣。。。

今日返早，返到去已經有嘢做，一路忙到收工，幸好勉強開咗張9千幾蚊嘅單，不過仲有29萬未開。。。距離放大假得返六日返工，加埋大假後返工夾埋得返十一日，要追29萬其實有啲難😞點算好？

今日冇人嚟接我，其實我有啲失望，因為我返工有啲唔開心，好想一收工就攬實啲人∼只有佢先可以令我覺得開心同放鬆∼低能仔，你對我真係好重要！ 

 今日又係返工嘅一日，不過今朝一早就有人嚟整洗手間，尋晚又整飯盒同上網睇濕疹嘅嘢搞到好夜，所以今日成日都好攰∼

今晚收工之後，我過咗銅鑼灣接啲人，我哋食完嘢就返去。。。或者因為最近壓力好大，做乜都好似好唔順利咁！不論工作定還是…我都覺得力不從心咁！我真係好攰∼

今日返十二點半，朝早9點幾就醒咗，返到公司已經開始有嘢做，一直做到收工∼

今晚9點就收工，陪啲人去交收完，我哋就落灣仔食嘢。。。今晚發生咗啲唔係好開心嘅事，我冇選擇發皮氣，只係變得唔想出聲！其實與其話我疑心大，不如話我冇安全感可能更貼切！有時連我自己都討厭自己咁在乎一個人，在乎到我嘅世界得佢，甚至在乎到好驚會冇咗佢。。。我知道我唔可以再乜都只有佢。