尋晚開始係咁咳。。。咳到成身都好痛😞睇嚟俾爸爸同媽咪搞到我都咳埋！今朝我好早起身，因為我想買雜誌送嗰個低能仔頸枕俾佢，佢成日都頸痛，買個頸枕俾佢可以等佢舒服啲。。。

今日又係好忙嘅一日，我收工趕去銅鑼灣等啲人，今晚我哋食麥記，因為係啲人請，所以我咪要食豪啲囉！超好味，我真係好鍾意食😌

星期六就去食團年飯，雖然啲人放假，但佢唔同我去。。。其實我有啲失望，因為我好想佢可以以屋企人嘅身份同我一齊食，好想好想佢係我屋企人！加上我唔捨得佢放假嗰日得佢一個，我唔想佢唔響我身邊。。。或者我係驚啦！

 今日好似冇咁凍，啲人亦開始返工喇。。。天氣暖咗啲，我亦冇咁擔心啲人，起碼佢冇咁易又冷親先！而我尋晚亦冇乜點瞓，因為爸爸咳得好緊要，佢都冇乜瞓過。。。我就成晚不停倒暖水俾佢，最後爸爸今日都係請假！

今日一返到公司已經有客，我一直忙到收工！收工之後就趕落銅鑼灣等啲人，不過今晚。。。

其實我覺得兩個人之間相處係真係需要分享，分擔。。。開心 share 固然開心，但一齊唔係陣係分享開心事，當對方唔開心時，自己乜都唔知嗰種感覺好難受！自己又會擔心佢，但佢唔講你知時，你又會感到自己響佢心目中係咪真係可以一世？如果一對情侶只可以共富貴開心，而唔能夠共患難，咁係咪真係會長久？我真係好想佢知道，每次當佢咁樣我都會好難過，同時亦想佢知佢有乜嘢事我都會響佢身邊，以前係咁，依家係咁，只要佢願意講將來都一定會係咁。。。

已經兩三晚冇瞓過。。。個人超攰😞每當瞓著嘅時候，就會俾爸爸媽咪啲咳聲嘈醒，然後就起身倒水俾佢哋，來來回回咁，已經夠鐘起身返工😪

今日返工又係好忙，而啲人就放病假。。。收工之後就趕返去同啲人買嘢返去食，其實我已經攰到冇力，本來諗住響樓下食完就返去，不過啲人即刻黑面，雖然嗰一刻係有啲唔開心，但諗番轉頭又幾 sweet 嘅，因為佢會因為我唔上去而唔開心嘛。。。

返到屋企我就煮飯俾啲人帶飯，今晚啲餸有少少麻煩，因為整咖喱雞俾佢，我買咗啲雞脾肉有骨，我知佢唔鍾意有骨，所以整完之後要慢慢拆骨，我陣係想啲人食得開心~

有個傻人今日買咗包好貴嘅湯俾我，我未飲都覺得甜呀😍多謝你呀老公豬！ 

呢排眼眉跳咗好耐，足足有一個星期。。。一直都好擔心唔知會有咩事發生，起初以為係因為爸爸病，但之後一直咁跳，跟住以為因為媽咪病，不過都依然係咁，又以為因為低能仔病，點知都唔係。。。結果原來係婆婆今晚食食吓飯響屋企暈咗，仲要因為俾自己壓到，搞到左手骨折，call 白車送入醫院😭醫生話應該係心臟有事。。。

其實細細個嘅時候，我同婆婆感情唔係太好，因為響我中學嘅時候，我開始好曳，婆婆就管得我更嚴，我就更唔鍾意。。。係直到曳咗兩三年之後，我又開始唔同返，我開始鍾意癡住屋企人，不過都係唔鍾意過佢到，覺得好有壓迫感，但都會 keep 住每個星期同佢飲茶，平時都會同佢傾吓電話，雖然我冇好似錫阿麻咁錫佢，但我知我都錫佢架。。。今次咁樣，其實我好驚佢會有事，亦好後悔每次佢叫我帶低能仔俾佢見，我都揾藉口冇帶低能仔見佢😞😞 

眨吓眼兩日假期又過咗喇。。。其實我呢份工基本上冇得放星期六，除非放AL ！所以為咗可以陪啲人兩日，我就尋日拎咗AL∼

尋日我哋去咗銅鑼灣食嘢，同返鋪頭拎嘢之後，我哋就去旺角，我知道佢病好辛苦，所以我都只係同佢去拎嘢時，我自己去咗行咗陣，跟住佢想 gogogo ，我哋就去咗喇！不過玩到咁上下時，佢叫我唔好講嘢，我係有啲唔開心，我之後一直都冇講嘢，但唔係為咗鬥氣，只係我已經唔知可以再講乜，陣係想返屋企∼

今日原本以為可以抖吓，但因為朝早家姐冇叫我起身飲茶同帶阿豬出去，結果瞓到成點先起身，等到三點同啲人去食完嘢，家姐又叫我返去抱阿豬去沖涼😪一搞又搞到成七點先返到屋企，返去又整嘢煮俾啲人，搞到好忙同好攰。。。搞掂晒就過去拎嘢俾佢食，不過最後又係唔係好開心咁走😞其實係咪唔好點見會好啲呢？最後我連十号佢究竟想點？我都再冇問過…或者唔見真係會好啲！